Sanymyz az Qazaq eliniń tarıhta kórgen, basyna túsken aýyrtpalyǵy az emes. Myna qıyndyqtan da aman ótý – basty maqsatymyz. Halyq pen bılik arasyndaǵy birlik jarasyp, «bir jaǵadan bas, bir jeńnen qol shyǵaratyn» kez bolyp tur. Qanshama myqty, birtýar azamattar men baýyrlarymyzdan mezgilsiz aıyrylyp otyrmyz. Osynyń barlyǵy júrekke qaıaý túsiredi. Jalpy, biz qaza tapqan jannyń jaqyndarynyń qasynan tabylatyn halyqpyz ǵoı. О́kinishke qaraı, qazir osy mindetimizdi de oryndaı almaı otyrmyz. Aınalamyzda jaqyn týystardan, dos-jarandarymyzdan aıyrylyp otyrǵan jaıymyz bar. Bılikte, bızneste júrgen azamattardy bar kúsh-jigerimizdi biriktirip, halyqqa kómektesýge shaqyramyn. Osy qıyn kezde qol sozbasaq, osy kezde eldigimizdi kórsetpesek, bizdiń qunymyz kók tıyn bolmaq.
Bul náýbet ár qazaqtyń esinde qalary sózsiz. Indetpen kúreske bar kúshin arnaǵan, tipti óz ómirin bergen aq halatty abzal jandardyń erligi halyq júreginde máńgi saqtalady. Osy kezde arsyz iske barǵan alypsatarlar men «jyǵylǵanǵa judyryq» bolyp urlyq-qarlyq jasaǵandar da óz jazasyn alary sózsiz. El Prezıdenti Qasym-Jomart Toqaev halyqqa joldaǵan televızııalyq Úndeýinde de, Úkimettiń keńeıtilgen otyrysynda da ózekti máselege qatysty naqty tapsyrmalar berip, jaqyn arada sheshýdi tapsyrdy. Osy oraıda el basqaratyn azamattyń janynan tabylyp, kómegimizdi aıamaýymyz kerek. О́ıtkeni Memleket basshysynyń da kóksegeni – eldiń amandyǵy. Sabyrlyq, salmaqtylyq tanytyp, parasattylyqpen qoldaý bildirýimiz kerek. Elimiz aman, jurtymyz tynysh bolsyn! Jaqsy kúnderdiń alda ekenine senimim zor. Bastysy, eńsemizdi túsirmeı, qolymyzdan kelgen isten aıanbaıyq demekpin.
Nurlan DÝLATBEKOV,
Parlament Májilisiniń depýtaty
