Sondaı-aq, oblys ákimdiginiń qoldaýymen satyp alynǵan 6 jasandy tynys alý apparaty da muqtaj aýdandarǵa jóneltilýde. Budan bólek, bastamashyl top jınaǵan qarjyǵa 281 000 dana betperde, 6,3 myń lıtr zalalsyzdandyrý suıyqtyǵy, 1,9 myń jana qorǵanysh kostıýmderi alynyp, dárigerlerge tabystalypty. Al oblys aýyldarynyń turǵyndary kún saıyn aýrýhanalarǵa tegin tasymaldaǵan qymyzdyń mólsheri 840 lıtr shamasynda eken. Al sońǵy kezeńde indetpen kúreske jumylǵan jurttan jınalǵan qarjy kólemi 13,2 mln teńge kólemine jetken.
Igi bastamaǵa úles qosyp júrgender sapynda "Ulaǵatty urpaq" qory da bar. Bul qor Raıymbek aýdanynyń aýrýhanasyna turaqty kómek berip otyr. Jaqynda aýdandaǵy dári-dármek jetispeýshiligin joıý maqsatynda suranysqa ıe preparattar jetkizilgen edi. Endi qor qarjysyna 25 dana ottegi konsentratyn satyp alýǵa tapsyrys berilipti. Onyń alǵashqy 5 danasy aýdandyq aýrýhanaǵa tapbystalǵan eken.
"Dál qazirgideı ýaqytta "Ulaǵatty urpaq" sııaqty eriktiler tobynyń, qoǵamdyq qorlardyń jasap otyrǵan qoldaýy men kómegine aýdan turǵyndary dán rıza.. О́ńirge der kezinde jetkizilgen ókpeni jasandy jolmen tynys aldyratyn apparattardyń, eń qajetti dári-dármekterdiń arqasynda kóp adamdar syrqatynan aıyǵyp, qatarǵa qosyldy. Aýdanda dári-dármek qory jetkilikti dárejede. Biz qoldaý kórsetip, demeýshilik jasaǵan azamattarǵa aýdan turǵyndarynyń atynan alǵys aıtamyz", – deıdi Raıymbek aýdanynyń ákimi Nurjan Qudaıbergenov.
Almaty oblysy
