Bul týraly Shymkent qalasynyń densaýlyq saqtaý basqarmasy basshysynyń mindetin atqarýshysy Varzılov Tımırhan aqparattyq-kommýnıkasııalyq ortalyǵynda ótken brıfıngte málimdedi. Sonymen qatar, spıker búgingi tańda emdeý mekemelerinde dárilik zattyń jetkilikti ekenin atap ótti.
"Shymkent qalasyndaǵy medısınalyq uıymdarynda qosymsha eki aıǵa jetetin dári dármekter bar. Qosymsha dári dármekter qorynda 328 027 dana temperatýrany tómendetetin preparat bar. Buǵan qosa, qorda vırýsqa qarsy preparattardyń 70 570 danasy, 135 myńnan astam antıbıotıkter, 79 800 antıkogýlıanttar, 110 532 dana emge qajetti vıtamınder bar", - dedi T. Varzılov.
Sondaı-aq 1-shi shildeden bastap osy aralyqta kúnine túsetin shaqyrtýlar sany 65 paıyzǵa tómendegen. Búginde "103" qyzmetinde júz jedel járdem brıgadasy halyqqa shuǵyl medısınalyq kómek kórsetýde.
Aıta keteıik, 15 shildeden bastap "1430" onlaın keńes berý mobıldi qosymshasy iske qosylǵan bolatyn. Atalǵan saıtqa 486 dáriger tirkelip, halyqqa tegin medısınalyq keńes berýde.
