Qazaqstan • 29 Shilde, 2020

Jas ushqyshtar joıǵysh ushaqtarmen oqý-jattyǵý ushýlaryn oryndady

13 ret kórsetildi

Qazaqstannyń batysynda jaýyngerlik daıarlyq josparyna sáıkes Sý-27 ekıpajdarynyń oqý-jattyǵý ushýlary ótti. Jas ushqyshtar joıǵyshtarmen áýege jáne berilgen baǵyt boıynsha ushýdy oryndap, ushýdyń eń qıyn elementi bolyp tabylatyn qonýdy pysyqtady, - dep habarlaıdy Egemen.kz.

Ushqyshtar qonýdy oryndaý kezinde ushý jyldamdyǵyn, jeldiń baǵyty men kúshin durys esepteýi qajet, bul rette qoný jolaǵyna túskenge deıin birtindep tómendeýin júrgizý qajet.

"Oqý-jattyǵý ushýlary – bul barlyǵymyz úshin mańyzdy oqý kezeńi bolyp tabylady. О́ıtkeni jaýyngerlik ázirlikti qamtamasyz etý jyldyń jáne táýliktiń kez kelgen ýaqytynda, kez kelgen meteorologııalyq jaǵdaıda qoıylǵan mindetterdi oryndaýdaǵy bilimi men daǵdylaryna baılanysty", – dep atap ótti maıdan avıasııasynyń avıasııalyq eskadrılıa komandıriniń orynbasary maıor Azamat Qonyspaev.

О́ziniń tájirıbesimen maıdan avıasııasynyń avıasııalyq býynynyń aǵa ushqyshy aǵa leıtenant Álı Ádilbekov bólisti.

"Mundaı ushaqty basqarý úlken jaýapkershilikti talap etedi. Áýe kemesin sezinýge, berilgen komandalarǵa jáne jermen radıoalmasý nusqaýlaryna baǵdarlaný úshin uzaq jáne qajyrly jattyǵý qajet. Ony júzge asyrýǵa maǵan tájirıbesi mol ushqysh-nusqaýshylaryym kómektesedi", - dedi ol.

Oqý kezinde joıǵysh ushaqty basqarý prosesi trenajerlerde jáne jaıaý ushý kezinde pysyqtaldy. Sodan keıin jas ushqyshtar jaýyngerlik mashınalarda óz mindetterin oryndaı otyryp, alǵan daǵdylaryn is júzinde tájirıbede alǵash ret qoldandy.

Áýedegi manevrlerdiń durys oryndalýyn tájirıbeli ushqysh-nusqaýshylar, birinshi synypty áskerı ushqyshtar baqylaıdy. Áýeaılaqtyń ústinen ushý kezinde jas ushqyshtar ózderiniń tálimgerleriniń aspandaǵy is-áreketterin, baǵdarlar men jerdegi obektilerdiń ornalasýyn este saqtaıdy.

Birte-birte ushý tapsyrmalary kúrdelene túsedi. Budan ári ushqyshtar qarapaıym jáne kúrdeli meteojaǵdaılarda oqý mindetterin pysyqtaýy, shtattyq jáne tótenshe jaǵdaılarda óz daǵdylaryn jetildirýi, sondaı-aq ekıpajdar quramynda derbes ushýǵa kirisýi tıis. Jas ofıserler teorııa, praktıkalyq daıyndyq boıynsha synaq tapsyryp, ushýǵa ruqsat aldy.

Sonymen qatar ushý daıarlyǵy boıynsha sabaqtar tájirıbeli áskerı ushqyshtarǵa da ótkiziledi. Olar Kaspıı teńizi akvatorııasynyń ústinde jaýyngerlik mashınalardy ushý daǵdylaryn qoldaý boıynsha jeke ushý tapsyrmalaryn oryndaıdy.

Sońǵy jańalyqtar

Tashkent tragedııasy

Sport • Keshe

Uqsas jańalyqtar