Medısına • 30 Shilde, 2020

Qazaqstanda kóshede maska taǵyp júrý mindetteldi

99 ret kórsetildi

Bas sanıtarlyq memlekettik dáriger Aıjan Esmaǵambetova jańa qaýlyǵa qol qoıdy, dep habarlaıdy Egemen.kz

"Qazaqstan Respýblıkasynyń Bas memlekettik sanıtarııalyq dárigeriniń 2020 jylǵy 26 maýsymdaǵy № 43 qaýlysyna ózgerister men tolyqtyrýlar engizý týraly" Qazaqstan Respýblıkasynyń halqy arasynda COVID-19 koronavırýstyq ınfeksııasynyń taralýynyń aldyn alý maqsatynda QAÝLY ETEMIN:

Halyq úshin qorǵanysh maskalaryn kııý mindetti:

- jabyq úı-jaılarda (dárihana, dúken, keńse, medısınalyq uıym, halyqqa qyzmet kórsetý salasyndaǵy uıym jáne t. b.), sondaı-aq kólikte, dalada bolǵan kezde barlyq adamdarǵa;

- SOVID-19 kúdigi bar adamǵa kómek kórsetý kezinde deni saý adamdarǵa;

- koronavırýstyq ınfeksııaǵa uqsas aýrý belgileri bar adamdarǵa (dene temperatýrasynyń kóterilýi, jótel, túshkirý). 

Bul rette osy tarmaq adamdy mindetti oryndaýǵa mindetteıdi jáne buzylǵan jaǵdaıda kináli adamǵa ákimshilik sharalar qoldanylady.

Jabyq úı-jaılardan tys (dalada) halyq úshin qorǵanysh maskalaryn kııý halyq arasynda ınfeksııa juqtyrý táýekelin azaıtý úshin usynylady:

Maqsaty – adamdardy bet bólikterin (muryn, aýyz) yqtımal ınfeksııa juqtyrylǵan qolmen kezdeısoq ustaýdan qorǵaý. DDU derekteri boıynsha adam mınýtyna ortasha eseppen 3-5 ret betin ustaıdy, bul rette bul prosesti baqylamaı, lastanǵan qolymen ınfeksııa  juqtyrý táýekeli artady.

Sońǵy jańalyqtar

Uqsas jańalyqtar