Qazaqstan • 30 Shilde, 2020

О́skemenge ushaqtar ýaqytsha ushpaıdy

22 ret kórsetildi

О́skemendegi ushý-qoný jolaǵyn qaıta jańartýǵa baılanysty barlyq reısti Semeı áýejaıy ýaqytsha qabyldaıtyn bolady. Bul týraly Shyǵys Qazaqstan oblysynyń ákimi Danıal Ahmetovtyń Instagram jelisindegi jazbasyna silteme jasaı otyryp Egemen.kz habarlaıdy.

"О́skemendegi birqatar nysannyń qurylysyn baqylap, qaıta qurý barysymen tanystym. JMK shaǵyn aýdanynda turǵyndardyń tilekterine sáıkes, aýlalardy jóndeý jáne abattandyrý jumystary jalǵasýda. О́kinishke oraı, 10 jyl buryn mundaǵy jer jeke menshikke satylyp ketken. Sondyqtan qurylys retsiz júrgizilýde. Biraq, biz ony abattandyramyz, aldaǵy ýaqytta qalamyzdaǵy eń jaqsy aýdandardyń biri bolady", deıdi oblys ákimi Danıal Ahmetov.

Oblys basshysynyń aıtýynsha, О́skemen áýejaıynyń ushý-qoný jolaǵyn qaıta jańartý jumystary bastalyp ketti. Jumys táýlik boıy júrgizilip jatyr. Jóndeý kezinde reısterdi Semeı áýejaıy qabyldaıtyn bolady. 10 kún ishinde arnaıy keste jasalyp, onda barlyq máseleler eskerilip, jóndeý jumystary jazylady. Qazirgi tańda qajetti daıyndyqtar júrgizilip jatqanyn atap ótti.

Sondaı-aq, Olga Rypakova atyndaǵy jeńil atletıka manejinde jańa zal salyndy. Álemdik standartqa saı boı kótergen keshende birinshi halyqaralyq chempıonat ótedi degen boljam bar.

Sońǵy jańalyqtar

Sora ekken turǵyn tergelýde

Aımaqtar • Keshe

Uqsas jańalyqtar