Aımaqtar • 31 Shilde, 2020

Rahmet saǵan, dáriger!

119 ret kórsetildi

Atyraýda qaýipti indetpen kúreske 2 myńnan astam jergilikti medısına qyzmetkeri tartyldy. Olarǵa kómektesý úshin Reseıden 11 dáriger kelgen edi. Quramyna anestezıolog-reanımatolog, pýlmonolog, ınfeksıonıst, jalpy tájirıbelik dáriger men pedıatrlar kirgen kórshi eldiń aq halattylary eki apta boıy ınfeksııalyq jáne provızorlyq stasıonarlarda jumys istedi.

 

– Biz úsh topqa bólindik. Eki topta ekeýden, al bir topta bir dáriger boldy.­ Sóıtip «qyzyl aımaqqa» kirdik. Árqaı­sy­myzdyń atqaratyn mindetimiz naq­ty­­landy. Soǵan sáıkes naýqastardy tek­­serip, hattamada kórsetilgen emdi júr­­­gizdik, – deıdi Reseıdiń Astrahan ob­ly­­synan kelgen dáriger Anna Chepel. – Kún­­­delikti jumysymyz jergilikti stan­­dartqa saı alty saǵatqa sozyldy. Munda­ emdeý taktıkasynyń ózindik erek­­she­li­gi­ bar eken. Biraq aıtarlyqtaı kóp emes. Bastapqyda jumys kóp boldy. So­ǵan qaramastan, qazaqstandyq árip­tes­te­rimizben úılesimdi jumystyń nátı­je­sin­de bári de retteldi. Az ǵana kúnniń ishin­de Atyraýdaǵy dárigerlermen dostas­tyq, olardyń janqııarlyq eńbegi­ne kýá bol­dyq. Olar shyn máninde bar ýaqytyn ju­mys­ta ótkizip jatyr. Bul – úlken eńbek.

Al máskeýlik dárigerler tobynyń jetekshisi Vladımır Vlasov eki aptalyq jumysyn №2 oblystyq ınfeksııalyq aýrýhanada ótkizdi. Onyń aıtýynsha, re­seılikter Atyraýdaǵydaı kúrdeli epı­demııalyq ahýaldy naýryz, sáýir aılarynda bastan ótkeripti.

– Biz ınfeksııalyq, provızorlyq stasıonarlardaǵy emdeý sharalarynyń joǵary deńgeıde uıymdastyrylǵanyn ańǵardyq. Kadr máselesi de qazir sheshilip jatyr. Qaýipti indetti juqtyryp alǵan jergilikti dárigerler de qatarǵa qosylýda. Qazaqstandyq áriptesterimizden biraz nárseni úırendik. Naýqastardy emdeýde atyraýlyq dárigerler óz ómirine tóngen qaýipke qaramastan, kásibı sheberligin kórsetip otyr, – degen pikirimen bólisti Vladımır Ivanov.

Oblys ákimi Mahambet Dosmuhambetov Aty­raýdaǵy ınfeksııalyq jáne provızor­lyq stasıonarlarda naýqastardy emdeý­ge úles qosqan reseılik dárigerlerdi qa­byl­­dap, rızashylyǵyn bildirdi. Ákim­niń málimetinshe, Reseı  dárigerleri Aty­raý­ǵa der kezinde kelip, kómegin kórsetti.

– Qazir óńirde epıdemııalyq ahýal turaqtanyp keledi. Infeksııa juqtyr­ǵandar sany shildeniń basyndaǵy derekpen salystyrǵanda, aıtarlyqtaı tó­mendedi. Naýqastardyń 70 paıyzǵa jýy­ǵy saýyǵyp shyqty, –deıdi ákim.

Osyǵan oraı oblystyq aýrýhanadaǵy, Jylyoı men Qurmanǵazy aýdanyndaǵy stasıonarlar jabylyp, endi tamyzda josparly emdeýdi bastaýǵa kóshkeli otyr. Atyraý jan basyna shaqqanda test tapsyrýda aldyńǵy oryndaǵy aımaq sanalady. Munda qaýipti indet tirkelgennen beri 153 587 PTR-test synamasy alynypty. Sondaı-aq dári-dármekpen qamtýdyń úsh aılyq qoryn jasaqtaý úshin sońǵy eki aptada 100 tonna dári-dármek jetkizildi. Endi taǵy da 40 tonna dárilik preparattar ákelinedi. Mobıldi toptardyń, call-ortalyq pen Covid-taksı jumysynyń da nátıjesi baıqaldy.

 

Atyraý oblysy

Sońǵy jańalyqtar

Tashkent tragedııasy

Sport • Keshe

Uqsas jańalyqtar