Ekologııa • 31 Shilde, 2020

Temirtaýda zııandy shyǵaryndylardyń azaıýyna qatysty monıtorıng jalǵasýda

16 ret kórsetildi

Ekologııa, geologııa jáne tabıǵı resýrstar mınıstri Maǵzum Myrzaǵalıev Temirtaýda tabıǵatty qorǵaý sharalaryn júzege asyrý boıynsha qoǵamdyq baqylaýdy kúsheıtýge ýáde berdi. Bul týraly Ekologııa mınıstrligine silteme jasaı otyryp Egemen.kz habarlaıdy.

Qaraǵandy oblysyna jumys sapary barysynda vedomstvo basshysy metallýrgter qalasynyń ekobelsendilerimen kezdesti. Onyń nazaryna metallýrgııa jáne hımııa óndiristerindegi ekologııalyq jobalar usynyldy.

Esterińizge sala keteıik, Temirtaýda 2019 jyly ekologııalyq jaǵdaıdy jaqsartý boıynsha aýqymdy jospar ázirlendi. Lastaýshy kásiporyndar óndiristi jańǵyrtý jáne zamanaýı tehnologııalarǵa kóshý boıynsha mindettemelerdi óz moınyna aldy. "ArselorMıttal Temirtaý" AQ QR ekologııa, geologııa jáne tabıǵı resýrstar mınıstrligimen memorandým jasasty. Qujat atmosferaǵa zııandy zattardyń shyǵarylýyn 2024 jylǵa deıin 30%-ǵa qysqartýdy qarastyrady.

– Búgin Qaraǵandy oblysynyń ákimimen "ArselorMıttal Temirtaý" jáne "Temirtaý elektrometallýrgııalyq kombınaty" kásiporyndaryna bardyq. Temirtaýda aýadaǵy zııandy zattar konsentrasııasynyń artqany barshaǵa belgili. Bul rette "ArselorMıttal Temirtaý" ǵana jylyna shamamen 250 myń tonna shyǵaryndylar kólemin jasaıdy. О́tken jyly biz kompanııanyń jańa basshylyǵymen shyǵaryndylar kólemin mindetti túrde azaıtýdy qamtıtyn memorandýmǵa qol qoıdyq. Kompanııa shyǵaryndylar deńgeıin tómendetý, óndiristi qaıta jabdyqtaý, gazǵa kóshý, onyń ishinde JEO jáne basqa da qýattar boıynsha baǵdarlamaǵa ınvestısııa salýǵa daıyn, – dedi Maǵzum Myrzaǵalıev.

Memorandýmda kompanııa shyǵaryndylardy 50 myń tonnaǵa azaıtýǵa mindettendi, dep atap ótti ol. Sondaı-aq, Qaraǵandy men Temirtaý arasynda 500 myń aǵash otyrǵyzyp, qala aınalasynda "jasyl" beldeý jasaıdy degen ýaǵdalastyqqa qol jetkizildi.

"ArselorMıttal Temirtaý" AQ Bas dırektory Bıdjý Naırdiń aıtýynsha, koronavırýs pandemııasy ekologııalyq baǵdarlamanyń oryndalýyna aıtarlyqtaı áser etken.

"Qazir Qazaqstanǵa sheteldik tehnıkalyq sarapshylardy ákelý qıyn. Biraq biz bul máseleni jumysty qashyqtan baqylaý úshin eń zamanaýı álemdik tehnologııalardy qoldaný arqyly sheshemiz. Biz ekologııalyq jobalardy júzege asyrýdy jalǵastyrý úshin qoldan kelgenniń bárin jasaımyz", dep sendirdi ol.

Búgingi tańda agloóndiristegi eń úlken súzgini salý jumystary qarqyndy júrip jatqanyna kóz jetkizýge bolady. Jobalardyń 75%-y jalǵasýda. Biz tabıǵı gazdy kóbirek paıdalanǵymyz keledi, bul shyǵaryndylardy azaıtady.

Mınıstrdiń qala ekobelsendilerimen kezdesýinde qoǵamdyq baqylaýdy kúsheıtý máseleleri talqylandy. Maǵzum Myrzaǵalıev kásiporyndardyń tabıǵat qorǵaý is-sharalaryn iske asyrýy boıynsha qoǵamdyq tyńdaýlar ótkiziletinin habarlady.

Jalpy, mınıstrdiń aıtýynsha, óńirdegi jaǵdaıdy jaqsartý boıynsha jumys júıeli túrde mınıstrlikti, óńir bıligin jáne negizgi lastaýshy kásiporyndardy ǵana emes, sonymen qatar jurtshylyqty, ekobelsendilerdi de tarta otyryp júrgizilýi tıis.

– Biz taıaý ýaqytta qabyldanýy qajet negizgi sharalardy kórsete otyryp, ekologııalyq jaǵdaıdy jaqsartý úshin búkil Qazaqstan boıynsha jol kartalaryn ázirleýdemiz. Ekologııalyq kúrdeli problemalary bar Qazaqstannyń árbir iri qalasynda barlyq qoǵamshyldardy jol kartalaryn talqylaýǵa tartamyz. Osyndaı Jol kartasyn Qaraǵandy oblysy boıynsha da, sonyń ishinde Temirtaý boıynsha da daıyndaýdy josparlap otyrmyz. Qalanyń barlyq janashyrlaryn azamattary men qoǵam qaıratkerlerin kásiporyndardyń óńirdiń qorshaǵan ortasyn qorǵaý jónindegi óz mindettemelerin oryndaýyn baqylaýǵa qatysýǵa shaqyramyz, – dep atap ótti Maǵzum Myrzaǵalıev.

Sońǵy jańalyqtar

Prezıdent Ahmetjan Esimovti qabyldady

Prezıdent • Búgin, 18:21

Qyzylordada eki kúnde 36 adam ustaldy

Aımaqtar • Búgin, 17:51

Sora ekken turǵyn tergelýde

Aımaqtar • Búgin, 16:33

Uqsas jańalyqtar