El basshysynyń aıtýynsha, qytaılyq kelbetti saqtap, ulttyq qundylyqty nyǵaıtý úshin damýmen birge qorǵanys salasyna da kóńil bólinýi tıis. Sondyqtan ol memlekettiń keleshegin aıqyndaý maqsatynda ásker salasyn kúsheıtýdi qajet dep esepteıdi.
Sondaı-aq ulttyq qorǵanys men qarýly kúshterdi jańǵyrtý eldiń jańǵyrý úderisine saı bolýy tıis. Ári áskerı múmkinshilik ulttyq strategııalyq qajettilikke jaýap berýi qajet.
Budan bólek, Sı Szınpın Qytaı kommýnıstik partııasy árdaıym myǵym ulttyq qorǵanys pen áleýetti qarýly kúshter qalyptastyrýǵa erekshe kóńil bólip kelgenin jetkizdi.
Sınhýa agenttiginiń habarlaýynsha, Qytaı osy salanyń 2020 jylǵa arnalǵan maqsattary men mindetterin oryndap úlgergen. Endi, jańa baǵytqa qadam basyp, qytaı áskerin álemdik deńgeıge shyǵarýǵa kúsh salmaq.
Aldaǵy jospar boıynsha, ulttyq qorǵanys pen qarýly kúshterdi damytýǵa arnalǵan jańa strategııa 14 jylǵa arnalǵan. Osy baǵdarlama aıasynda talantty ári kásibı áskerılerdi jasaqtaýǵa basymdyq beriledi.
