Dubyǵaly kólindegi demalýshylar jaǵalaýda kúnine 1 tonna qoqys qaldyrady

Shyǵys óńirinde budan bu­ryn Buqtyrma sý qoımasynyń jaǵa­laýyna reıd jasalǵan bolatyn. Sodan soń bul is-shara memlekettik qyzmetkerler, qoǵam belsendileri men eriktiler arasynda keńinen qoldaýǵa ıe bola túskendeı. Aıta­lyq, Dubyǵaly kóline júrgi­zilgen tekserý barysyna Ulan aýda­nynyń atqarýshy organdary, polısııa jáne kommýnaldyq qyzmeti, ekologııalyq qurylym, kásipkerlik ókilderinen quralǵan 24 adam qatysty.

Demalys aımaǵyn qaraý barysynda qatysýshylar kól ma­ńa­ıynda abattandyrylǵan jaǵa­jaı­dyń joqtyǵyn, qatty tur­mys­tyq qaldyqtardy jınaýǵa ar­nal­ǵan konteınerlerdiń múl­de qaras­tyrylmaǵanyn jáne birqa­tar zań­syz qoqys alańdary anyq­tal­ǵanyn atap ótti.

Tavrııa aýyldyq okrýgi ákimi orynbasarynyń aıtýynsha, ákim­diktiń kúshimen apta saıyn tazalyq jumystary júrgizilip, jaǵalaý aýmaǵynan 5-6 tonna kóleminde qoqys shyǵarylady, sonymen birge demalýshylarǵa ártúrli túsindirý jumystary júrgizilip, jadynamalar taratylyp turady.

– Alaıda bul rette bizdiń áleýe­timiz ben qarjymyz jetki­liksiz dep oılaımyn. Esepteýimizshe, kólge bir demalys kúni kelýshilerdiń ózi 1 myń adamdy quraıdy. Eger bir adam kúnine 1,1 kılo qoqys qal­dyratyn bolsa, jaǵalaýda kún­de­likti 1 tonnadan astam qoqys paı­da bolady, – deıdi Ekologııalyq qaýipsizdik ortalyǵynyń mamany Elena Polıanseva.

Sondaı-aq aýdan ákimdigi men demalýshylardyń taǵy bir ótkir máselesi bar. Bul atalǵan demalys ornynda uıaly baılanystyń joqtyǵy. Iаǵnı bul másele tótenshe jaǵdaı kezinde demalýshylarǵa joǵary táýekel týdyryp qana qoı­maı, aýdannyń bıýdjetiniń qam­tamasyz etýde qıyndyq ákeledi. Internettiń joqtyǵy kásipkerler tarapynan týrıstik bıznesten tú­setin kiristerin jasyrýǵa múmkin­dik beredi, sonymen birge polısııa qyzmetkerleriniń oqıǵa ornynda hattama toltyrýyn qıyndatady.

Qoqys oryndarynyń máselesin kúrdelendirip turǵan máseleniń biri – rekreasııalyq aımaqtaǵy jerdiń aıtarlyqtaı bóligi satyp alynǵan jáne maqsatty túrde paı­­dalanyla bermeıdi. Kóptegen jeke­legen aýmaqtardyń jaǵdaıy syn kótermeıdi, kóriktendirilmek turmaq beı-bereket qoqys tógetin orynǵa aınalyp ketken. Zań boıyn­sha jer teliminiń ıesi ózine tıesili aýmaqty jeke qarajaty esebinen tazalap turýy qajet.

Ulan aýdany kásipkerlik j­á­ne aýyl sharýashylyǵy bólimi óki­­liniń sózinshe, 2015 jyldan beri aýdandaǵy barlyq jer ýchas­­kelerine aýqymdy túgendeý ju­mystary júrgizilip, onyń barysynda qaıtarylyp alynǵan 8 jer telimi Orman qoryna tap­sy­rylǵan. Odan ózge qazir Du­by­­ǵaly kóline baratyn jańa jol­­dyń qurylysyna jobalyq-sme­talyq qujattama jasalyp, mem­lekettik saraptamadan ótýde. Sondaı-aq jaǵalaýdy kóriktendirý jumystary qurylysyna arnalǵan syzba ázirlendi, onda múgedekterdiń demalysyna arnalǵan jaǵdaı qa­rastyrylǵan. 2021 jyly qu­ry­lys­qa qajetti bıýdjet qarajatyn bólýge ótinim berý josparlanyp otyr.

– Shyǵys Qazaqstan oblysynyń qoǵamdyq keńesinde ekologtar men kásipkerler, qoǵamdyq jáne rýhanı kelisim boıynsha sarapshylyq jumys toby ókilderiniń qatysýy­men ótken otyrysta óńir basshy­syna demalys aımaǵyndaǵy 20 jyl boıy maqsatty túrde paıdala­nyl­maǵan jer telimderin qaıtaryp alýǵa yqpal etýi úshin ótinish ja­zýǵa sheshim qabyldandy, – deı­di oblystyq Qoǵamdyq keńestiń qo­ǵamdyq jáne rýhanı kelisim boıyn­sha sarapshylyq jumys tobynyń jetekshisi Gennadıı Pýssep.

Aıta ketý kerek, reıdke qa­tysý­shylar hat jazýmen ǵana shek­telip qalmaq emes. Ekologtar men qoǵam belsendileri ekosenbilik ótkizip, jaǵalaýdaǵy qoqystyń bir bóligin tazalady. Ekologııa de­partamentiniń mamandary jer­gilikti atqarýshy organdar men polısııa qyzmetine ruqsat etilmegen qoqys oryndaryn joıý jáne jergilikti turǵyndar men demalýshylar arasynda aldyn alý jáne túsindirý jumystaryn kúsheıtý týraly usynymdaryn jetkizdi.

Qoǵam belsendileri mundaı reıd­terdi tamyz aıynda óńir­diń basqa da aýmaqtarynda ótki­zile­tinin, oǵan qatysýǵa nıet bildir­gen uıymdar men mekemelerdi qol­daıtyndaryn atap ótti. Depar­tament qyzmetkerleri sonymen birge zańsyz qoqys oryndary anyq­talǵan jaǵdaıda Call or­talyqtyń 87759524900 nómirindegi WhatsApp-qa qoqys ornynyń foto jáne vıdeo materıaldaryn joldap, ornalasqan aýmaǵyn habar­laýǵa bolatynyn jetkizdi.