Qoǵam • 06 Tamyz, 2020

Kúrish alqaby sýsyz qalmaýy tıis

13 ret kórsetildi

Qyzylorda oblysyna qarasty Jańaqorǵan men Shıeli aýdandary turǵyndarynyń aıtýy boıynsha Syrdarııa ózeniniń sýy tómendeýde, osyǵan baılanysty olar ákimdikke júgingen.

Aýdanda quny 1 mlrd teńge turatyn sý platınasy salynǵan. Biraq úsh jyldan keıin iske jaramsyz bolyp qal­ǵan. Qazirgi tańda platına ju­mys istep turǵan joq. Osy oraı­da Senat depýtaty Murat Baq­tııaruly quqyq qorǵaý organ­darynyń osy máselege nazar aýdarýyn surady.

Senator Ekologııa, geologııa já­ne tabıǵı resýrstar mınıstri M.Myrzaǵalıevpen jáne onyń orynbasarlarymen sóılesti. Senator qalyptasqan jaǵdaı tý­raly aıtyp, osy máseleni ja­qyn arada sheshýdi surady, onsyz sharýalar orasan shyǵynǵa batatynyn jetkizdi. Tıisti mı­nıs­­tr­lik Syrdarııa ózenindegi sý deń­geıiniń tómendeýin boldyr­maý joldaryn qarastyrýǵa ýáde berdi.

Mamandardyń aıtýy boıynsha, bıyl shamamen 90 myń gektar alqapqa kúrish egilgen. Mundaı aýmaqty 3 aı sýarý kezeńinde sý­men qamtamasyz etý qıyn. Se­na­tor óz kezeginde sý resýrstaryn únemdeýge múmkindik beretin zamanaýı tehnologııalardy paıdalanýdy usyndy.

Murat Baqtııaruly egin egý­shi­lerge kúrishten bólek sýdy kóp qajet etpeıtin jońyshqa, raps, júgeri jáne baý-baqsha ónimderin ósirýdi usyndy.

Osy rette senator kishi Aral­dy toltyrý máselesine de nazar aýdardy.

Murat Baqtııaruly óńir agrar­shylarmen kezdesýde: «Bizge kishi Araldy toltyrý úshin de sý qajet. Sýdyń teńizge jetpeı jatqa­nyn eskersek, kishi Araldyń sý deń­geıi tómendeýi múmkin. Qazir­diń ózinde Qambash kóli jaǵa­laýdan 150 metrge sheginip ketti. Qyzylorda Syrdarııaǵa óte tá­ýeldi, sondyqtan kóp sýdy qajet etpeıtin daqyldardy ósirý ma­ńyzdy. Bul baǵytta dıqandar úshin arnaıy baǵdarlama ázir­legen jón», dedi.

Egin alqaptarynan bólek Se­nat depýtaty aýdandyq aýrý­ha­naǵa baryp, jergilikti jurtpen tildesti.

 

Sońǵy jańalyqtar

Durys saqtaı almaǵannyń qarýy alyndy

Aımaqtar • Búgin, 18:50

Nur-Sultanda eki bazar salynady

Elorda • Búgin, 16:54

Antalııada Abaı saıabaǵy ashyldy

Rýhanııat • Búgin, 12:00

Aqsaıda sport mýzeıi bar

Aımaqtar • Búgin, 11:50

Qazaqstan ólim jazasyn alyp tastady

Qazaqstan • Búgin, 11:38

Uqsas jańalyqtar