Pikir • 06 Tamyz, 2020

Qanatymen sý sepken qarlyǵashtaı...

1431 ret kórsetildi

Bul indettiń qaýpine bastapqyda jubaıym Tıysh Áltaıqyzy ekeýimiz de mán bere qoımadyq. О́ıtkeni eshkimmen aralaspaı, betperde taǵyp, qolymyzǵa qolǵap kıip, azyq-túlik, dári-dármek alýǵa shyǵyp júrdik. Osylaı saqtanyp júrsek te, bir kúnde tamaqqa tábetimiz bolmady. Basymyz solqyldap aýyryp, jótele bastadyq. Jótelmen birge entikpe paıda boldy. Qyzýymyz kóterildi. Zilbatpan júk basyp turǵandaı, ornymyzdan tura almaı qaldyq. Sóıtip, amalsyzdan jedel járdemmen óte qıyn halde aq jeleńdi abzal jandardyń qaraýyna keldik. Olar bizdi ata-anamyzdaı mápeledi. Dárigerlerdiń dıagnozdy durys qoıýy, dári-dármegi men jyly sóziniń arqasynda ǵana betimiz beri qarady. Atyraýdaǵy №2 oblystyq aýrýhananyń bas dárigerine, orynbasarlaryna, barlyq dárigerlerge, medbıkelerge, medjigitterge, barsha qyzmetkerine shyn júregimizden alǵysymyzdy aıtamyz.

Shyn máninde aýrýhanadaǵy dári­ger­­lerdiń, ásirese, ınfeksıonıst-dári­ger­lerdiń qyzmeti óte aýyr ekenine kóz jetkizdik. Jedel járdemdegi, aýrý­ha­nadaǵy dárigerler, medbıkeler men tazalyqshylar indetten qorǵaný úshin qorǵanysh kıimin kıip, tumshalanyp júredi. Mundaı kıimmen birneshe saǵat boıyna jumys isteý ońaı ma? Soǵan qaramastan, naýqas jandardyń janynan tabylyp, ekpelerin egip, dárilerin der kezinde berip, aýzymyzǵa sýsyn tamyzyp, qamqor bolǵan jandarǵa myń taǵzym! О́ıtkeni olar derti janyna batqan naýqastarǵa qanatymen sý sepken qarlyǵashtaı tynym tappaıdy. Bar meıirimi men jan jylýyn tógip júr. Juqpaly indettiń qaterli ekenin bile tura, qaýiptiń ortasynda júrgen aq jeleńdi dárigerlerge qandaı qurmet kórsetilse de artyq etpeıdi.

Kúni-túni asa qaýipti vırýstyń osha­­ǵynda, naýqastardyń janynda bolý úshin júrek kerek. Keıde medı­­sına qyzmetkerleriniń sonshama um­tyl­­ǵanyna qaramastan, qaıtys bolǵan adamdardy kórgende júregiń qars aıyrylady. Men aýrýhanada dári­ger­lerdiń adam ómirine arasha túsip, jan­talasqan sátteriniń kýási boldym. Sondyqtan dárigerlerge basymdy ıemin! Bar jaq­sy­lyqqa ıe bolsyn! Alla qol­dasyn!

Dertimiz asqynyp, ómir men ólimniń ortasynda jatqan kezde kim jyly sózin aıtyp, janyńa kelse, sol adam umy­tyl­maıdy eken. Sonyń biri – Atyraý obly­synyń ákimi Mahambet Dos­muham­betov. Birneshe ret aýrýhanaǵa kelip, aýyryp jatqan adamdarmen sóı­lesip, naýqastardyń jaǵdaıymen ta­­nysqan ákimniń adamgershiligine tánti bolǵanymyz ras. Dári-dármektiń der kezinde jetkizilýin, aýrýhananyń syr­qat­tarǵa kerekti apparattarmen qam­ta­­masyz etilýin únemi qadaǵalap otyr­dy. Qa­ýipti indet dendegen kezde buqara ha­lyq­­pen jaqyn bolyp, basyna qıyndyq túsken jandarmen qaıǵyny bólise bilý – pa­rasattylyq.

Qazir jaǵdaıymyz jaqsaryp, den­saý­lyǵymyz qalypqa tústi. Otba­sy­myzǵa aman oraldyq. Áli de úıden dári­gerlerdiń belgilegen emin alýdamyz. Ýchaskelik dárigerler kelip, qyzýymyzdy ólshep, kúndelikti nusqaýlaryn be­re­di. Biz sekildi myńdaǵan adamdy qa­ýip­ti indetten qutqaryp qalǵan №2 aýrý­ha­na­nyń bas dárigerine, orynbasarlary men dárigerlerge, orta býyn medısına qyzmetkerlerine, tazalyqshylarǵa, bárine razymyz. Bul aýrýhanada jumys jaqsy jolǵa qoıylǵanyna kýá boldyq.

Aınalaıyn, aǵaıyn, karantındik she­kteýlerdi, jeke bas gıgıenasyn saq­ta­ǵanymyz jón. Denniń saýlyǵy, eldiń amandyǵy úshin dárigerler aıtqan ta­lap­qa baǵynaıyq. Toı, sadaqany ázirshe qoıa turaıyq. О́zimizdiń de, ózgeniń ómirine qaýip tóndirmeıik. Sonda ǵana halqymyz aman bolady, elimiz órkendeıdi. Aman bolaıyq, aǵaıyn!

 

Ilııa JAQANOV,

Qazaqstan men Qyrǵyzstannyń eńbek sińirgen qaıratkeri,

kompozıtor, óner zertteýshisi,

«Otan» ordeniniń ıegeri

 

Atyraý oblysy

 

Sońǵy jańalyqtar

Murat Áıtenov chempıondardy marapattady

Aımaqtar • Búgin, 21:48

Durys saqtaı almaǵannyń qarýy alyndy

Aımaqtar • Búgin, 18:50

Nur-Sultanda eki bazar salynady

Elorda • Búgin, 16:54

Antalııada Abaı saıabaǵy ashyldy

Rýhanııat • Búgin, 12:00

Aqsaıda sport mýzeıi bar

Aımaqtar • Búgin, 11:50

Uqsas jańalyqtar