Elorda • 07 Tamyz, 2020

Elordada túngi ýaqytta kámeletke tolmaǵandar bolǵan kafe anyqtaldy

5 ret kórsetildi

05 tamyzda túngi saǵat 03.00-de Shevchenko kóshesindegi kafede bas sanıtarlyq dárigerdiń qaýlysyn buzý faktisi tirkeldi. Karantındik sharalarǵa qaramastan, kafe jumys istedi, mekeme ishinde 26 klıentke qyzmet kórsetti, olardyń ishinde bes kámeletke tolmaǵan balalar boldy. Bul týraly Nur-Sultan qalalyq polısııa departamentine silteme jasaı otyryp Egemen.kz habarlaıdy.

Kámeletke tolmaǵan balalardyń zańdy ókilderi túngi ýaqytta oıyn-saýyq mekemesinde eresekterdiń erip júrýinsiz júrgeni úshin QR ÁQBtK-niń 442-babynyń 1-bóligi boıynsha ákimshilik jaýapkershilikke tartyldy.

Mekeme ıesi sondaı-aq QR ÁQBK 132-babyna sáıkes túngi ýaqytta kámeletke tolmaǵandarǵa jol bergeni úshin ákimshilik jaýapkershilikke tartylady jáne 10 AEK ( 27.780 teńge) mólsherinde aıyppul tóleıdi.

Sonymen qatar, kafeniń ıesine qatysty karantındi buzǵany úshin materıaldar jınalyp, is júrgizý sheshimin qabyldaý úshin taýarlar men qyzmetterdiń sapasy men qaýipsizdigin baqylaý basqarmasyna berildi.

О́tken táýlikte polısııa, epıdemıolog, volonter jáne jergilikti atqarýshy organdardyń ókilderi arasynda Nur-Sultan qalasynda bas sanıtarlyq dárigerdiń qaýlysyn saqtamaý boıynsha karantındik sharalardyń 11 buzýshylyǵy anyqtaldy, onyń ishinde kóńil kóteretin oryndar, saýnalar, dúkender, loto-klýb, kalıan-bar jáne avtojýý bar.

Nur-Sultan qalasynyń Polısııa departamenti azamattarǵa karantındik sharalardy buzǵany úshin jaýapkershilik týraly eskertedi jáne sanıtarlyq normalardy saqtaýǵa shaqyrady.

 
 
 
Sońǵy jańalyqtar

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar