Atyraýda ulttyq saz aspabyn jasaýshylardyń respýblıkalyq baıqaýy ótti
Atyraýda márege jetken dombyra jasaýshylardyń kezekti respýblıkalyq baıqaýy kúı atasy – Qurmanǵazy Saǵyrbaıulynyń 190 jyldyǵyna arnalyp ótkizildi. Oǵan Mádenıet jáne aqparat mınıstrliginiń Mádenıet komıteti jáne Atyraý oblystyq ákimdigi qoldaý kórsetti. «Iman» respýblıkalyq qorynyń prezıdenti О́tegen Mahmuttyń aıtqanyndaı, «Úkili dombyra» baıqaýyn ótkizý 1992 jyly Dúnıejúzi qazaqtarynyń quryltaıy qarsańynda qolǵa alynǵan. Sodan beri jyl aralatyp ótetin baıqaýǵa qatysýshylar qatary ósken. Bul joly 17 sheber ózderi jasaǵan 25 dombyrany ulttyq saz aspabynyń bilgir mamandarynyń nazaryna usyndy.
Atyraýda ulttyq saz aspabyn jasaýshylardyń respýblıkalyq baıqaýy ótti
Atyraýda márege jetken dombyra jasaýshylardyń kezekti respýblıkalyq baıqaýy kúı atasy – Qurmanǵazy Saǵyrbaıulynyń 190 jyldyǵyna arnalyp ótkizildi. Oǵan Mádenıet jáne aqparat mınıstrliginiń Mádenıet komıteti jáne Atyraý oblystyq ákimdigi qoldaý kórsetti. «Iman» respýblıkalyq qorynyń prezıdenti О́tegen Mahmuttyń aıtqanyndaı, «Úkili dombyra» baıqaýyn ótkizý 1992 jyly Dúnıejúzi qazaqtarynyń quryltaıy qarsańynda qolǵa alynǵan. Sodan beri jyl aralatyp ótetin baıqaýǵa qatysýshylar qatary ósken. Bul joly 17 sheber ózderi jasaǵan 25 dombyrany ulttyq saz aspabynyń bilgir mamandarynyń nazaryna usyndy.
– «Úkili dombyra» baıqaýyn ótkizýdegi basty maqsat – ulttyq saz aspabymyzdyń sapalyq ereksheligin arttyrý, sóıtip, dombyranyń áýendik, áýezdik múmkindigin jetildirý. Árıne, dombyrany jasaý ońaı emes. Sol sebepten, dombyra jasaýshy sheberler ónerin nasıhattap, keıingi urpaqqa jalǵastyrý joldaryn izdeýge basa mán berip otyrmyz, – deıdi «Iman» qorynyń prezıdenti О́tegen Mahmut.
Baıqaýǵa qatysýshy sheberlerge qozyquıryq jáne qalaq dombyra úlgisimen jasalǵan eki aspapty usyný talaby qoıyldy. Jáne dombyra jasaýshylardyń aty-jónderi baıqaý qorytyndysy shyqqanǵa deıin jasyryn ustaldy. Belgili dombyrashy, Astana qalalyq ult-aspaptar orkestriniń bas dırıjeri Aıtqalı Jaıymov tóraǵalyq etken qazylar alqasy ár dombyranyń jasalý úlgisine, áýezdi únine aıryqsha kóńil aýdardy. Baıqaýdyń nátıjesinde Almaty oblysynda turatyn dombyra jasaýshy Almas Mustafaev usynǵan dombyra Qurmanǵazy atyndaǵy bas júldege laıyq dep tabyldy. Bas júlde alǵan dombyrasyn Almatydaǵy buıra úıeńki aǵashynan jasadym, deıtin has sheberge «QR mádenıet salasynyń úzdigi» tósbelgisi men 4000 AQSh dollary kólemindegi aqshalaı syılyq tabys etildi.
Sonymen birge, Mahambet atyndaǵy birinshi júlde Nurjan Orynbasarovtyń, Dáýletkereı atyndaǵy ekinshi júlde Estaı Baqytjanovtyń, Espaı atyndaǵy úshinshi júlde Amankeldi Smaǵulovtardyń úlesine tıdi. Buǵan qosa, bul baıqaýda dúldúl kúıshiler Ryspaı Ǵabdıev pen Qarshyǵa Ahmedııarov atyndaǵy yntalandyrý júldeleriniń ıeleri de anyqtaldy. Al qalaq dombyra jasaıtyn sheberlerge beriletin arnaıy statýetkany Eljas Orynbasaruly enshiledi.
Bir tańdanys týdyrarlyǵy, atalǵan baıqaýǵa jergilikti jerden birde-bir dombyra jasaýshy qatysqan joq. «Iman» qorynyń prezıdenti О́.Mahmuttyń pikirinshe, endi bul baıqaý Batys Qazaqstan oblysynda ótýi múmkin.
Joldasbek ShО́PEǴUL,
«Egemen Qazaqstan».
Atyraý oblysy.
–––––––––––––
Sýretterde: qazylar alqasy ár dombyrany muqııat saralady.
