Qoǵam • 10 Tamyz, 2020

Memlekettik basqarý júıesine ózgeris kerek

703 ret kórsetildi

Kez kelgen basqarý júıesinde zaman talabyna saı ózgeris bolmasa, memlekettiń de qaryshtaı túsýi neǵaıbyl. Máselen, qazir qashyqtyqtan bilim alý, jumys isteý, túrli qyzmetter men taýarlar usyný trendte. Endi mundaı júıe memlekettik basqarý salasyna da engizile bastady.

Karantın kezinde 10 kúnde Qytaıdyń Ýhan qalasynda salynǵan aýrýhana jaıly estigende qarapaıym halyq qurylystyń sapasyna kúmánmen qarady. Kóp uzamaı  BI-Group kompanııasy Nur-Sultan qalasynan 12, Shymkentten 25 kúnde ınfeksııalyq aýrýhana saldy. Adamdar taǵy da senimsizdik tanytty. Sebebi memlekettik basqarý júıesinde jobalyq menedjment arqyly jyldam ári sapaly qurylysty aıaqtaýǵa bolatynynan beıhabar edi. Al, biz tańdanyspen qarap júrgende Anglııa, Japonııa, AQSh, Avstralııa, Kanada, О́zbekstan sekildi álem elderi memlekettik basqarý boıynsha arnaıy ulttyq agenttik quryp, joǵary nátıjege qol jetkizip úlgerdi. Endi Qazaqstan da osy tájirıbege súıenip, elimizdiń barlyq aımaǵynan Jobalyq keńseler ashýdy josparlap otyr.

Bul bastama Shymkent qalasynyń ákimi Murat Áıtenovtiń qoldaýymen  alǵashqylardyń biri bolyp Shymkentte qolǵa alyndy. 2019 jyldyń qarasha aıynda «Shymkent» áleýmettik-kásipkerlik korporasııasy» Aksıonerlik Qoǵamynyń negizinde jumys isteıtin Shymkent qalasy ákimdiginiń Jobalyq keńsesi quryldy.

2017 jyldan beri Qazaqstannyń basqarý júıesine jobalyq menedjmentti engizý jóninde baǵyt-baǵdar kórsetip kele jatqan Memlekettik basqarýdaǵy jobalyq menedjmentti damytý ortalyǵynyń jetekshisi Arman Evnıevtiń aıtýynsha, Shymkent qalasynda memlekettik basqarý júıesi jolǵa qoıyla bastady.

"Eń aldymen, Shymkent qalasy ákimdiginiń Jobalyq keńsesiniń jumysyna toqtalyp óteıin. Keńse 4 baǵyt boıynsha jumys isteıdi. Alǵashqysy – adamı kapıtal. Bul sektor densaýlyq, bilim berý, jumyspen qamtý salalaryna jaýap beredi. Ekinshisi – ınfrastrýktýra. Iаǵnı, qala aýmaǵyndaǵy qolǵa alynǵan qurylystar, olardyń júrgizilýi syndy máselelerdi qamtıdy. Úshinshisi – kásipkerlik jáne ındýstrııa. О́ńirge ınvestısııa tartý, eksport kólemin ulǵaıtý, týrızm salasyn kúsheıtý sekildi máselelerge mańyz beriledi. Tórtinshi baǵyt – memlekettik jaǵdaı. Iаǵnı, tótenshe jaǵdaı, memlekettik qyzmetterdiń jumysy baqylaýǵa alynady. Búginde Jobalyq keńse osy tórt baǵyt boıynsha jumys istep, basqarý júıesin qadaǵalap, máselelerdi der kezinde sheship otyr.

Al, Shymkent qalasy ákimdiginiń Jobalyq keńsesi memlekettik basqarý júıesine jobalyq menedjmentti engizgennen ne utady? Eń aldymen qaǵazbastylyqty joıyp, zamanaýı platformalardy paıdalaný arqyly atqarylyp jatqan jumystardy tutas baqylap otyrady. Buryn jobalardy júzege asyrý úshin bıýdjetten aqsha bólindirýden bastap joba aıaqtalǵanǵa deıingi jumystardyń barlyǵy qujat boıynsha júrgiziletin. Sondyqtan qajetti qujattardy bir mekemeden bir mekemege jetkizý, oǵan jaýap alý aılap kútýdi qajet etetin.

Qazir jobaǵa qatysty mekeme,  qyzmetker,  kásipker nemese jeke tulǵa ony platforma arqyly kez kelgen ýaqytta kóre alady. Demek, ár jaýapty maman ýaqyty jetkilikti bolǵandyqtan sapaǵa jumys isteıdi. Basshylyq tarap, ákim, basqarmalar jospardaǵy jumystyń qalaı júrgizilip jatqanyn kez kelgen ýaqytta platformaǵa qosylý arqyly baqylaı alady", – deıdi Arman Qaıratuly.

Al, "Shymkent" áleýmettik-kásipkerlik korporasııasy" Aksıonerlik Qoǵamy basshysynyń orynbasary Ǵanı Qarabekov memlekettik basqarý júıesiniń jobalyq menedjmenti boıynsha arnaıy platformany memlekettik organdar, ıaǵnı basqarmalar, vedomstvalyq uıymdar men "Nur Otan" partııasynyń fılıaly jáne arnaıy mamandar bir ýaqytta baqylap otyra alatynyn aıtady.

"Búginde Shymkent qalalyq Jobalyq keńsesinde 250 ákimdiktiń qyzmetkeri, 23 basqarma men vedomstvalyq uıym, "Shymkent" áleýmettik-kásipkerlik korporasııasy" Aksıonerlik Qoǵamy, Nur Otan partııasynyń fılıaly jalpy 1400 joba boıynsha jumys istep jatyr. Bul júıeniń eń utymdy tusy – joǵaryda aıtqan barlyq organdar bir ýaqytta arnaıy platformada júrgizilip jatqan jobalardy baqylap, ózderiniń kózqarastaryn bildirip, pikir almasa alady. Eń qýanatyny, qala ákimi Murat Átenovtiń ózi bul júıeni túsinip, jumys istep, jiberilgen qatelikterge ýaqytynda túzetý engizip otyr. Dál 100 júz paıyz jańa júıege kóship, tek qana qashyqtyqtan jumys isteýge daıynbyz deýge bola qoımas. Biraq 80 paıyz qaǵazbastylyqtan aryldyq deýge bolady", – deıdi ol.

Osy oraıda, bul júıeniń qarapaıym turǵyndar úshin qandaı paıdasy bar degen suraqtyń týyndaýy zańdy. Eń aldymen memlekettik organdar qurylysyn júrgizetin turǵyn-úıler, aýrýhanalar, mektep pen joldar tez ári sapaly aıaqtalyp, kópshilikke ýaqtyly beriledi. Sondaı-aq turǵyndar da júrgizilip jatqan jobalardy baqylap, tipti qurylysqa qatysy bar arhıtektor sekildi maman retinde jobalardy júzege asyrýǵa qatysa alady.

Shymkent qalasy ákimdiginiń Jobalyq keńsesi atqaryp jatqan jumystyń jaı-japsarymen tanysý úshin Keńseniń jetekshisimen tildesýdi jón kórdik.

"Biz eń aldymen birden jumysqa kirispeı turyp, saýatty qyzmetkerler jasaqtaýǵa tyrystyq. Aldymen ortalyqtaǵy mamandardy ekspert retinde daıarlap, sosyn olar arqyly qala, aýdandarda ashylǵan arnaıy keńselerde jergilikti ákimdikterdiń basshylaryna, mamandary men sarapshylaryna jobalyq menedjment qaǵıdalary, ustanymdary jaıly trenıngter ótkizip, túsindirý jumystaryn júrgizdik. Nátıjesinde, Jobalyq keńsege qatysty organdar, basqarmalar, uıymdar men mamandar júzege asyrylyp jatqan barlyq jobalardy muqııat qadaǵalap, keıbir túıtkilderdiń der kezinde túıinin tarqatyp otyr. Eger problemany erte bilseń, der kezinde sheshiledi. Dál osy Jobalyq keńse qurylǵanǵa deıin mundaı ońtaıly basqarý júıesi bolǵan joq. Qateliksiz jumys istep jatyrmyz dep aıta almaımyn. Qatelikter bar. Biraq sony túzetý, túsiný arqyly aldaǵy ýaqytta basqarý júıesin júıelep, joǵary deńgeıge kóteretin bolamyz", – dedi Asqar Súleımenov.

Bul júıe órkenıetti elderde burynnan qoldanylyp keledi. Endi Qazaqstannyń da basqarý júıesine osyndaı edáýir ózgeris kerek. Bastaý alǵan jumystar  aıaqsyz qalmasa, bul júıeniń jemisin kóretin kún alys emes degen oıdamyz.

Sońǵy jańalyqtar

Polıseıler qarttardy quttyqtady

Aımaqtar • Búgin, 20:51

Aqyly joldardan qansha qarajat túsedi?

Aımaqtar • Búgin, 17:00

Qazaqstanda bailanys.bar servısi iske qosyldy

Tehnologııa • Búgin, 15:40

Tarazda órtten eki bala kóz jumdy

Aımaqtar • Búgin, 15:14

Qazan aıynda aýa raıy qandaı bolady?

Aýa raıy • Búgin, 11:40

Qazaqstanda dollar arzandady

Ekonomıka • Búgin, 11:40

Uqsas jańalyqtar