Pandemııa bastalǵan ýaqytta aýdanda 100 provızorlyq, 20 ınfeksııalyq tósek oryn uıymdastyrylǵan. Qazirgi tańda provızorlyq stasıonarda 18 naýqas em alyp jatsa, ınfeksııalyq stasıonarda em alyp jatqan adam joq. Buǵan deıin provızorlyq stasıonarda 225 naýqas emdelip shyqsa, ınfeksııalyq stasıonarda aýdan boıynsha 52 turǵyn naýqasynan aıyqqan.
Aral aýdandyq aýrýhanasynda 1 myń 440 qyzmetker jumys isteıdi. Emdeý mekemesi 9 IVL apparatymen jáne 33 ottegi konsentratorymen qamtylǵan. Aýrýhana 2017 jyly jańa tıptik ǵımaratqa kóshken.
Aýdanǵa qarasty Sekseýil kentinde de epıdemıologııalyq jaǵdaı turaqtaldy. Kenttegi 25 tósek orynǵa arnalǵan Sekseýil aýyldyq aýrýhanasynda 15 emdeý, 10 balalar bólimi bar. Odan bólek 20 provızorlyq oryn ashylǵan. 40 qyzmetkeri bar emdeý ornynda aıyna 70 naýqasqa deıin josparly jáne shuǵyl em alyp shyǵady.
Epıdemıologııalyq ahýal bastalǵaly beri provızorlyq stasıonarda 60 naýqas emdelip shyqty. Aýyldyq aýrýhanada 4 ottegi konsentratory bar.
Araldyq aq halattylar "bul jetistikpen bosańsýǵa bolmaıdy",- deıdi. Aldaǵy ýaqytta kesel qaıta órshise aýdandaǵy emdeý mekemeleri shuǵyl áreket etýge árqashan daıyn bolý kerektigin esten shyǵarmaıdy.
