Otandyq ınvestor Qazaqstanda mal sharýashylyǵy jobalaryn damytýdyń jalpy strategııasy sheńberinde kombınatqa qyzyǵýshylyq tanytyp, aýyl sharýashylyǵy salasynyń janama ónimi – IQM terisin tutynýshyǵa aınalady.
Investor 2 aı ishinde zaýyttyń aýmaǵy men jabdyǵyn iske qosýǵa daıyndady.
Kombınat negizgi qyzmet túri boıynsha iske qosyldy: IQM terisin óńdeý, bylǵary ónimderin óndirý jáne ótkizý - wet blue hromdy ıleýdiń eksportqa baǵyttalǵan jartylaı fabrıkaty.
"Qazir kombınatta 60-tan astam adam jumys isteıdi, biz buryn zaýytta jumys istegen tehnıkalyq mamandar men jergilikti shıfer zaýytynyń mamandaryn tarttyq. Bolashaqta kombınat qýattylyǵynyń júktelýine qaraı qyzmetkerler sany artady, 200 adamǵa deıin tartýdy josparlap otyrmyz.
Maýsym-shilde aılarynda biz barlyq qajetti jumystardy júrgizdik: kárizdi tazalaý, nysandy kúzetý, barlyq tehnologııalyq jabdyqtyń jumys qabilettiligin tekserý qamtamasyz etildi. Mysaly, keı jerde ishinara jóndeý qajet boldy, shatyr, jumysshylardyń bólmeleri qalpyna keltirildi, jumysshylar úshin sebezgiler jasaldy.
Búgingi tańda shıkizat jetkizý partııasy alyndy, iske qosý-retteý jumystaryn júrgizdik, 3000 sharshy metrden astam daıyn ónim - wet blue jartylaı fabrıkatynyń tájirıbelik partııasyn shyǵardyq", - dep habarlady "Semey Tannery" JShS atqarýshy dırektory Rýslan Bısenov.
Joǵary sapaly bylǵaryny hromdy ıleýdiń wet blue jartylaı fabrıkatyn daıyndaý - bul joǵary kásibı kózqaras pen mamandandyrylǵan bilimdi qajet etetin úsh satyly ıleý prosesi. Bul ónim joǵary sapadan basqa, beriktigimen, qolaıly ózindik qunymen jáne sáıkesinshe, materıaldyń tómen baǵasymen erekshelenedi.
Bul jartylaı fabrıkatty jeńil, jyly kúrtesheler, aıaq kıim, aksessýarlar shyǵarý úshin qoldanýǵa bolady: ár túrli qalpaqtar, beldikter jáne t.b.
Kombınattyń qýaty jylyna 1,7 mln. sharshy metrge deıin wet blue jartylaı fabrıkatyn quraýy múmkin. Jartylaı fabrıkattardy óndirý tehnologııasynda qoldanylatyn shıkizat pen qajetti hımııalyq preparattardy jergilikti jetkizýshiler jetkizedi, sonymen qatar ishinara Reseıden satyp alynady.
Qazirgi ýaqytta QIQ problemalyq aktıvterdi odan ári iske qosý maqsatynda olardy básekeles ortaǵa berý boıynsha jumys júrgizýde.
2014 jyly problemalyq joba retinde teri-bylǵary kombınaty Qordyń aktıvter qorjynyna ótti, kombınattyń burynǵy ıesiniń bankrottyǵyna baılanysty Qor kombınatty saqtaý maqsatynda 2019 jylǵy 15 qarashadan bastap kásiporynnyń múliktik keshenin balansqa aýystyrýǵa jáne ınvestor tartylǵanǵa deıin aktıvti ustaý boıynsha shyǵyndardy kóterýge májbúr boldy.
Qazirgi ýaqytta burynǵy menshik ıesi joǵaryda atalǵan sheshimdi sotta daýlaýda, bul keshendi jańǵyrtý maqsatynda ınvestorǵa tolyq berý rásimine kedergi keltiredi.
