Týrızm • 12 Tamyz, 2020

Almaty oblysy: Alakól jaǵasyna 629 000 týrıst demalýǵa keldi

52 ret kórsetildi

Pandemııa qaýipi men karantın shekteýlerine qaramastan adamdar jazǵy demalys maýsymyn qyzyqty ótkizýge tyrysýda. Burnaǵydaı shetel asyp, teńiz jaǵalap ketpegenimen, ishki týrızmniń týy jyǵylǵan joq. Ásirese, otandyq jaǵajaılarda adam qarasy mol, - dep habarlaıdy Egemen.kz.

Bıylǵy shomylý maýsymy ashylǵaly beri Alakól jaǵasyna kelgen  demalýshylardyń sany 629 myńnan asypty. Qazirge deıin týrısterge 3 mlrd 739 mln teńgege serıvıstik qyzmeti kórsetilgen eken. Al shomylý maýsymynyń sońyna deıin kólge keletin týrıst sany 1 mln adamnan asady degen boljam bar. Qazir kól jaǵalaýynda 262 irili-usaqty nysan týrısterge qyzmet kórsetip otyr eken. Týrısterdiń negizgi aǵyny jeńil kólik jáne arnaıy avtobýspen kelip jatqan kórinedi. Sondaı-aq «Almaty-Jetigen-Dostyq» temirjoly baǵyty  men aptasyna jeti ret «Astana-Úsharal-Astana», «Almaty-Úsharal-Almaty»  jáne «Taldyqorǵan-Úsharal-Taldyqorǵan» áýe qatynasy arqyly kelýshiler kóbeıgen. Shomylý maýsymy qyzǵan shaqta kólge kelýshilerdiń kún saıynǵy úles 12 512 adamǵa deıin jetip otyr.

- Karantın rejımi kezinde kól jaǵalaýyndaǵy sanıtarlyq normalardyń saqtalýyn qamtamasyz etý maqsatynda arnaıy monıtorıng top qurylǵan. Qazir  aýdanda 4 toby kúndelikti jumys isteýde. Saqtyq sharasy joǵary deńgeıde.  Monıtorıng tobynyń zerdeleý jumystary barysynda sanıtarlyq talaptardy buzǵan 17 stıhııalyq shatyrly lager jabyldy. Sondaı-aq, kól jaǵasyndaǵy tyıym salynǵan, zańsyz saýda júrgizgen tulǵalarǵa eskertý berilip, aıyppul da salyndy. Munyń bári týrısterdiń qaýipsizdigi úshin jasalyp otyr. Talap boıynsha ár demalys orny kelgen týrısterge qyzmet kórseter aldynda nysannyń daıyndyq aktisin alady. Nysanǵa ruqsat berilgen jaǵdaıda ǵana jumystaryn bastaıdy. Qazir osy erejege sáıkes aýdanda týrızmmen aınalysatyn 262 nysan arasynan 171demalys orynyna jumys isteýge ruqsat berilgen. Bul ortalyqtarda barlyq sanıtarlyq normalar saqtalǵan, - deıdi Alakól aýdanynyń ákimi Álibek Jaqanbaev.

Aıtpaqshy, pandemııa kezindegi shekteýler shet el naryǵyna aǵylǵan qarjyny otandyq týrızmniń kádesine jaratýǵa yqpal ete bastapty. Iаǵnı, bıyl shekara asyp baryp shomylýshylar azaıyp, Alakóldiń aıdynyna súńgishýler sany ósken. Máselen, otandyq shoý bıznestiń tanymal ókili, prodıýsser Baıan Alakózova bıylǵy demalys Alakól jaǵalaıynda ótkizipti. Bul jaıynda Baıan Maqsatqyzy óziniń Instagram jelisindegi paraqshasynda jarııalaǵan eken. «Bizdiń týrızmniń bolashaǵy bar ekeni sózsiz. Elestetip kórseńiz Túrkııanyń kúnshýaqty jerinde júrgendeı seziledi. Alaıda, bul ózimizdiń el, Qazaqstanda ekeni qatty qýantady. Alakól - Almaty oblysynyń injý-marjany. Kól sýy jyly, taza, móldir, ári tunyq. Men ǵashyq boldym... dep jazady ol.

Jalpy, otandyq týrızmniń damýyna jasalǵan qoldaýdyń arqasynda Alakól jaǵalaýyndaǵy demalys oryndarynyń ınfraqurylymyn jaqsartý jumystary toqtaýsyz júrip jatyr. Qazir Almaty oblysynyń aýmaǵyna kiretin kól jaǵalaýyndaǵy týrıster úshin jasalǵan jaǵdaı sheteldik tanymal kýrorttardyń sapasynan kem túspeıdi. Qyzmet kórsetý sapasy da jyldan jylǵa joǵarylap keledi. Mysalǵa, byltyr  Alakólde 1 340 000 adam demalsa, olarǵa kórsetilgen servıs quny 7,9 mlrd teńgege jetken edi.

 

Almaty oblysy

 

 

Sońǵy jańalyqtar

Aqyly joldardan qansha qarajat túsedi?

Aımaqtar • Búgin, 17:00

Qazaqstanda bailanys.bar servısi iske qosyldy

Tehnologııa • Búgin, 15:40

Tarazda órtten eki bala kóz jumdy

Aımaqtar • Búgin, 15:14

Qazan aıynda aýa raıy qandaı bolady?

Aýa raıy • Búgin, 11:40

Qazaqstanda dollar arzandady

Ekonomıka • Búgin, 11:40

Uqsas jańalyqtar