Qazaqstan • 12 Tamyz, 2020

Qazaqstan men BUU 2021-2025 jyldarǵa arnalǵan yntymaqtastyq baǵdarlamasyna qol qoıdy

34 ret kórsetildi

Búgin BUU-nyń 2021-2025 jyldarǵa arnalǵan turaqty damý salasyndaǵy yntymaqtastyqtyń negizdemelik baǵdarlamasyna Qazaqstan Respýblıkasy Premer-mınıstriniń birinshi orynbasary Álıhan Smaıylov myrza jáne Qazaqstan Respýblıkasyndaǵy BUU Turaqty úılestirýshisi Norımasa Shımomýra myrza qol qoıdy. Negizdemelik baǵdarlama – BUU men Qazaqstan úkimeti arasyndaǵy bes jyldyq yntymaqtastyq baǵdarlamasy. Baǵdarlama strategııalyq seriktester – BUU agenttikteriniń, mınıstrlikterdiń, azamattyq qoǵam ókilderi men jeke sektordyń negizgi resýrstaryn shoǵyrlandyrý arqyly 2030 jylǵa arnalǵan kún tártibine qol jetkizýdiń negizgi quraly, - dep habarlaıdy Egemen.kz.

Sondaı-aq qujatqa BUU-nyń 22 qurylymynyń ókilderi, onyń ishinde FAO, KQHU (IOM), HSU (ITC), AQJJKK (OHCHR), IýNEIDS, IýNKTAD, BUU AQAB (UNDRR), BUUDB, BUU EEK, IýNEP, ESKATO, IýNESKO, IýNFPA, BUU-Habıtat, BUU BJKB (UNHCR), IýNISEF, IýNIDO, BUU EQJB (UNODC), BUU EB (UNV), BUU-Áıelder jáne DDSU qol qoıdy. 

Qazaqstandaǵy BUU Turaqty úılestirýshisi Norımasa Shımomýra myrza: «Qazirgi sáttiń BUU eldik toby úshin tarıhı mańyzy zor, óıtkeni biz Qazaqstan Úkimeti jáne halqymen yntymaqtastyqtyń jańa kezeńine ótýdemiz. Biz yntymaqtastyqtyń jańa sheńberin úkimetti, azamattyq qoǵamdy, ǵylymı ortany, jeke sektordy, buqaralyq aqparat quraldaryn, halyqaralyq qoǵamdastyqty jáne BUU-nyń ózin qosa alǵanda, strategııalyq áriptesterdiń negizgi resýrstaryn shoǵyrlandyrý jolymen Qazaqstanda 2030 jylǵa deıingi kún tártibin iske asyrýda odan ári alǵa jyljý tetigi retinde qarastyramyz», - dep atap ótti. 

Negizdemelik baǵdarlamanyń basymdyqtary memlekettik organdar, azamattyq qoǵam jáne ǵylym ókilderimen ótkizilgen kópjaqty talqylaýlar barysynda anyqtaldy. 2030 jylǵa deıingi kún tártibine barlyq Qazaqstan halqy, sonyń ishinde áıelder, jastar, erekshe qajettilikteri bar adamdar qatysýy kerek degen «eshkimdi artta qaldyrmaý» ıdeıasymen jasaldy. Barlyq álemdegi sııaqty Qazaqstandaǵy pandemııadan týyndaǵan ekonomıkalyq quldyraý turaqty damý maqsattaryna qol jetkizýge qaýip tóndirip, yntymaqtastyq sheńberin iske asyrýǵa áser etýi múmkin. Osy damyp kele jatqan qajettilikter Uıymnyń Qazaqstanmen birikken áreketi, BUU-nyń áleýmettik-ekonomıkalyq den qoıý men qalpyna keltirýdi qoldaý jónindegi jospary aıasynda qoljetimdi bolady. Bul maqsat búgin qol qoıylǵan yntymaqtastyqtyń jańa negizdemelik baǵdarlamasyna tolyq sáıkes keledi. 

Yntymaqtastyq baǵdarlamasy úsh taqyryptyq baǵytta – Adam damýy jáne teń quqyly qatysý; Tıimdi ınstıtýttar, adam quqyqtary jáne genderlik teńdik; Inklıýzıvti ekonomıkalyq ósý jáne ekologııalyq turaqtylyq atty strategııalyq seriktesterdiń birlesken áreketteri turaqty damýdyń áleýmettik, ekonomıkalyq jáne ekologııalyq aspektilerine baǵyttalǵan alty baǵytta júzege asyrylady. 

Birikken Ulttar Uıymy damýdyń bolashaq josparlary men Úkimettiń turaqty damýǵa degen qarqyndy umtylysy týraly kózqarasty damytý úshin Qazaqstanǵa arnalǵan qoldaýyn tereńdetýde. BUU-nyń Qazaqstandaǵy júıesi qundylyqtarǵa, adam quqyqtaryna negizdelgen senimdi seriktes bolyp qala beredi. Uıym jumysy memleket pen qoǵamdaǵy seriktesterge basqarýdyń eń qajetti keńesterin, tehnıkalyq kómek pen ǵalamdyq jelilerge qol jetkizýge baǵyttalǵan. 

Yntymaqtastyqtyń negizdemelik baǵdarlamasy jáne BUU COVID-19 boıynsha áreket etý jospary BUU júıesiniń Qazaqstan Úkimeti men halqyna 2030 jylǵa arnalǵan kún tártibine qol jetkizý úshin árdaıym turaqty, ıntegrasııalanǵan, tıimdi damý joldaryn ustanýdy bildiredi. 

Sońǵy jańalyqtar

Polıseıler qarttardy quttyqtady

Aımaqtar • Búgin, 20:51

Aqyly joldardan qansha qarajat túsedi?

Aımaqtar • Búgin, 17:00

Qazaqstanda bailanys.bar servısi iske qosyldy

Tehnologııa • Búgin, 15:40

Tarazda órtten eki bala kóz jumdy

Aımaqtar • Búgin, 15:14

Qazan aıynda aýa raıy qandaı bolady?

Aýa raıy • Búgin, 11:40

Qazaqstanda dollar arzandady

Ekonomıka • Búgin, 11:40

Uqsas jańalyqtar