Oqıǵa • 13 Tamyz, 2020

Dárigerlerge kólik syılady

21 ret kórsetildi

Oblys ákimi Danıal Ahmetov Semeı shaharyndaǵy medısınalyq mekemelerge jańa avtokólik kiltterin tapsyrdy. Qalada búginde jalpy sany 360 myńnan astam adam tirkelgen 23 medısınalyq-sanıtarlyq mekeme jumys isteıdi.

«Qazirgi jaǵdaıda dárigerlerge mobıldi bolý óte mańyzdy. Bul kólikterdi dárigerler men medbıkeler paıdalanýy kerek. Sonymen birge biz Semeıge jaqyn arada taǵy bir kompıýterlik tomografty jetkizemiz. Ony №2 qalalyq aýrýhanaǵa beremiz», deıdi aımaq basshysy.

Osyndaǵy №3 emhananyń bas dárigeri, qalalyq jedel shtabtyń múshesi, medısınalyq máseleler jónin­­degi úılestirýshi Naılıa Al­meneva shahardaǵy aq halatty abzal jan­darǵa 19 qyzmettik kóliktiń kilti tabys­talǵanyn aıtady. «Pandemııa bas­tal­ǵaly beri bizge qoldaý kórsetip kele jatqan oblys basshylyǵyna rıza­shylyǵymyzdy bildiremiz», deıdi ol.

Esterińizge sala keteıik, shilde aıynan bastap oblys ákiminiń tapsyrmasy boıynsha óńirde 373 mobıldi brıgada qurylǵan bolatyn. Onyń 71-i – Semeı qalasynda. Medısınalyq qyzmetkerler qala turǵyndarynyń úılerine baryp, alǵashqy kómek kórsetýde. Búgingi tańda 19 jańa avtokólik alǵashqy medısınalyq-sanıtarlyq kómek júıesine berilgen. Bıyl qosymsha qajetti medısınalyq jabdyqtary bar 216 jedel járdem kóligi satyp alynbaq. Budan bólek 1 qyrkúıekke deıin oblystyq bıýdjet esebinen 100 avtokólik medısınalyq mekemelerge berilmek.

 

SEMEI

 

Sońǵy jańalyqtar

Polıseıler qarttardy quttyqtady

Aımaqtar • Búgin, 20:51

Aqyly joldardan qansha qarajat túsedi?

Aımaqtar • Búgin, 17:00

Qazaqstanda bailanys.bar servısi iske qosyldy

Tehnologııa • Búgin, 15:40

Tarazda órtten eki bala kóz jumdy

Aımaqtar • Búgin, 15:14

Qazan aıynda aýa raıy qandaı bolady?

Aýa raıy • Búgin, 11:40

Qazaqstanda dollar arzandady

Ekonomıka • Búgin, 11:40

Uqsas jańalyqtar