Qoǵam • 13 Tamyz, 2020

"Nur Otan" partııaishilik saılaý kestesin jarııalady

58 ret kórsetildi

"Nur Otan" partııasynda praımerız ótkizý boıynsha Ortalyq uıymdastyrý komıtetiniń birinshi otyrysy ótti. Jıyn barysynda partııaishilik saılaýdyń respýblıkalyq kúntizbelik jospary bekitildi. Bul týraly partııa Tóraǵasynyń birinshi orynbasary Baýyrjan Baıbek Facebook-tegi óz paraqshasynda jazdy, - dep habarlaıdy Egemen.kz.

Onyń aıtýynsha, praımerızdiń negizgi maqsaty – aldaǵy Májilis pen barlyq deńgeıdegi máslıhattar saılaýyna partııalyq tizimderge engizý úshin qoǵamnyń senimi men qoldaýyna ıe bolǵan bedeldi partııa kóshbasshylaryn anyqtaý.

"Qurmetti dostar! О́zderińizge málim, partııamyzdyń Lıderi Nursultan Nazarbaevtyń tapsyrmasymen "Nur Otan" praımerızi elimizdiń partııalyq-saıası damý tarıhynda tuńǵysh ret respýblıkalyq partııaishilik saılaý aýqymynda ótedi. Bul – Elbasynyń bastamasymen qolǵa alynǵan "Senim. Dıalog. Bolashaqqa nyq qadam" partııa jumysyn "qaıta jandandyrý" baǵdarlamasynyń qorytyndy kezeńderiniń biri. Kandıdattar praımerızge bastaýysh partııa uıymynyń atynan nemese ózin-ózi usyný jolymen de qatysýy múmkin. Bul rette partııanyń qundylyqtaryn ustanatyn jáne saılaý quqyǵy bar kez kelgen azamat úmitker bola alady. Ol úshin praımerızge qatysýshylardy tirkeý merzimi aıaqtalǵanǵa deıin "Nur Otan"-nyń qataryna qosylý kerek", - dedi Baýyrjan Baıbek.

Sonymen, kandıdattardy usyný jáne tirkeý 17 tamyzdan bastalyp, 28 tamyzǵa (qosa eseptegende) deıin jalǵasady. Úmitkerlerge úgit-nasıhat jumystaryna daıyndalý úshin 7 kún beriledi - 31 tamyzdan 6 qyrkúıekke deıin.

7 qyrkúıekten 3 qazanǵa deıin aralyqta kandıdattardyń úgit-nasıhat jumystaryn, onyń ishinde 14-30 qyrkúıek aralyǵynda jarııa pikirsaıystar ótedi. Pikirsaıystar "Praımerız" arnaıy aqparattyq júıesi arqyly ótip, partııanyń resmı akkaýnttarynda taratylady.

Osyǵan baılanysty partııa Tóraǵasynyń tapsyrmasy boıynsha onlaın-formatta daýys berý úshin platforma ázirlendi. "Praımerız" júıesi turǵyndarmen keri baılanysty barynsha kúsheıtýdi, jalpy jurtshylyqtyń pikirlerin eskere otyryp, túrli bastamalar men zań jobalaryn onlaın-talqylaý múmkindigin kózdeıdi.

1 qazan (00-00) men 3 qazan (14.00) aralyǵynda mobıldi qosymsha jáne arnaıy veb-portal arqyly elektrondy daýys berýdi ótkizý josparlanyp otyr.

Daýys berýdiń sońǵy kúni (3 qazan) bastaýysh partııa uıymdarynyń bazasynda saılaý ýchaskeleri ashylady. Internet joq eldi mekenderde osyndaı saılaý ýchaskelerine kelip, qaǵaz bıýlletender arqyly daýys berýge bolady.

Úmitkerlerdiń reıtıngi kórsetilgen praımerız nátıjeleri 5 qazanda jarııalanady.

Aıta keteıik, buǵan deıin "Nur Otan" partııasy praımerız ótkizý, sondaı-aq, kandıdattarǵa uıymdastyrýshylyq jáne quqyqtyq qoldaý kórsetý máseleleri boıynsha 8 (800) 080 4441 arnaıy jelini iske qosqan bolatyn.

Baspasóz qyzmeti taratqan aqparatqa sáıkes, sońǵy 2 aıdyń ózinde atalǵan jelige 15 myńǵa jýyq qońyraý túsken. Onyń 3,5 myńnan astamy - kandıdattardy usyný jáne tirkeý tártibin túsindirýdi surasa, myńnan astamy daýys berý prosedýrasyna qyzyǵýshylyq tanytty. Taǵy myńǵa jýyq adam partııa qataryna kirý tártibi týraly surady. Túsinikteme alýǵa júgingen 7,5 myńnan astam adam - 30 ben 44 jas aralyǵyndaǵylar.

Sońǵy jańalyqtar

QOLDA baǵdarlamasy kómek kórsetti

Qoǵam • Búgin, 07:56

Polısııa qyzmetkerleri qan tapsyrdy

Aımaqtar • Búgin, 07:54

«Barys» muzaıdynǵa qashan oralady?

Hokkeı • Búgin, 07:46

Bekzada óner, batyr Bekzat

Sport • Búgin, 07:45

Shyńdar shaqyrady

Týrızm • Búgin, 07:42

Kemeńger jáne senim keńistigi

Abaı • Búgin, 07:36

Aqyldyń keni

Abaı • Búgin, 07:34

Túrmedegiden túńilmeıik

Qoǵam • Búgin, 07:33

Jastarǵa kerek zamanaýı bilim

Bilim • Búgin, 07:19

Termınologııa tezge túsýge tıis

Rýhanııat • Búgin, 07:07

Sańyraýqulaqty qaldyqsyz óndirýde

Tehnologııa • Búgin, 07:02

Shaǵyn aýyldardyń úlken máselesi ­

Aımaqtar • Búgin, 07:00

Sońǵy salto

Qoǵam • Búgin, 06:55

Internasıonalmen qoshtasatyn kez keldi

Oqıǵa • Búgin, 06:49

Kópjaqtylyqqa oralý

Álem • Búgin, 06:46

Kovıdnomıka tujyrymy

Álem • Búgin, 06:44

Bilim bulaǵyn bitemes bolar

Rýhanııat • Búgin, 06:40

El ekonomıkasyna serpin beretin ulttyq joba

Ekonomıka • Búgin, 06:35

Tótenshe jaǵdaı utqyrlyqty talap etedi

Qazaqstan • Búgin, 06:26

Mennıdiń taǵy bir márttigi

Kásipqoı boks • Keshe

Uqsas jańalyqtar