Qaı elderge shyǵýǵa ruqsat berilgen?

Worldometers halyqara­lyq statıstıkalyq saıttyń máli­met­terine sáıkes, qazirgi ýaqytta Covid-19 aýrýyna shal­dyqqan 18,7 mıllıonnan as­tam adam aıqyndalǵan. Kóptegen elder aýrýdyń úde­meli kezeńi­nen ót­ken. Keıbir elder shetel azamattaryna sheka­rasyn ash­qan, al keıbiri ashýǵa daıynda­lýda.

Qazaqstandyqtar shetelge tek demalý maqsatynda shyq­paı­dy. Mysaly, issapary, ja­qyn­daryn kórý, emdelý nemese áleýmettik kómek kór­setý jos­parlanýy múmkin. Osyǵan oraı, Freedom Finance Life ómirdi saqtandyrý kompanııasy zertteý júrgizip, jazdyń sońyna deıin qazaq­standyqtarǵa barýǵa ty­ıym salynǵan elderdi, bizdiń týrısterdi belgilengen ere­je­lerge sáıkes qabyldaıtyn el­­derdi, sonymen qatar shekarasyn tolyq, sonyń ishinde, demalý úshin ashqan elderdi anyqtady.

Zertteý barysynda Ha­lyq­­aralyq áýe kóligi qaýym­das­ty­ǵynyń (IATA) málimetteri paıdalanyldy.

Týrısterge barýǵa tolyq tyıym salynǵan elder

Jalpy alǵanda, bul ti­zim­ge 60-tan astam el kirgen. Olar­dyń ishinde: Qyrǵyzstan, О́z­bekstan, Túrikmenstan, Ázer­baıjan, Izraıl, Sırııa, Saýd Arabııasy, Shrı-Lanka, Kýba, Perý, Argen­tına, OAR, Marokko, Al­jır, KHDR bar.

Halyqaralyq reısterge ar­nal­ǵan 15 áýejaıyn tamyzdyń 15-ne deıin ashý josparlanǵan elder sapynda Tájikstan, Gre­kııa, Rýmynııa, Chılı bolsa, al tamyzdyń 31-ne deıin qa­zaq­standyqtar úshin kelesi el­der­diń shekarasy jabyq: Tú­rik­men­stan, Ázerbaıjan, Moń­ǵo­lııa, Úndistan, Taıland, Ispa­nııa, Shvesııa, Kanada, Perý, Ko­lýmbııa, OAR. Sonymen qatar Ita­lııa týrıster úshin shekteýdi alyp tastaýdyń boljaldy mer­­zimi qazannyń 15-ine deıin so­zyl­­ǵanyn málimdedi.

Tyıym salýdy tolyq qol­da­natyn qalǵan elder, sheka­ra­la­ryn qashan ashatynyn áli habarlaǵan joq, ıaǵnı Qazaq­stan azamattaryna qaı ýaqytta qoljetimdi ekeni belgisiz.

Ishinara shekteý qoıǵan elder

90-nan astam elder shetel azamattaryn belgilengen erejelerge sáıkes qabyldaýǵa da­ıyn ekendigi týraly má­lim­­dedi. Olardyń ishin­de: Re­seı, Tájikstan, Belarýs, Grý­zııa, Armenııa, Mońǵolııa, Ka­­na­da, AQSh, Brazılııa, Eýropa memleketteri (Moldovany qos­­­paǵanda), BAÁ, Úndistan, Qy­taı, Aýstralııa, Japonııa, Taı­land, Malaızııa, Indo­nezııa, Fı­­lıppın eli jáne Jańa Zelan­dııa.

Ázirshe atalǵan erejeler, dem­alý maqsatynda shyqqan tý­rısterdiń kópshiligine qol­da­nyl­maıdy. Alaıda shetel­ge basqa sebeptermen barý­shy­larǵa, mysaly, ata-analardyń shetelde oqıtyn balasy bar, operasııa nemese issapar jos­parlanǵan bolsa, erekshe ere­jelerdi saqtaý talap etiledi.

Birinshi kezekte, Covid-19 testi boıynsha nátıjesi kór­setilgen medısınalyq anyq­tamasy shyǵý kúninen 7 kún al­dyn ala jáne odan kesh emes merzimde berilýi tıis. Ushyp kelgende týrıster medısına­lyq kýálandyrýdan ótedi jáne je­ke karantınde 14 kún bolady. Keıbir jaǵdaılarda, jo­laý­shylardyń ushar aldynda alynǵan jol júrý ruqsaty bolýǵa tıis. Shetelge baratyn tý­rısterdiń koronavırýstan saq­tandyrý polısiniń bolýy óte mańyzdy. Mysaly, Covid-19-ǵa saqtandyrý Qazaqstanda jasalsa, búkil álemde zańdy túrde qoldanylady.

Týrısterge shekarasyn ashqan elder

Bul tizimde ázirshe 17 el bar: Ýkraına, Aýǵanstan, Serbııa, Mysyr, Meksıka, Domınıkan Respýblıkasy, Maldıv jáne Bagam araldary.

Tyıym salý tolyq alyn­ǵany­men, ushyp kelgende jo­laýshylar medısınalyq kýá­landyrýdan ótýge jáne aýrýy joq týraly anyqtamasyn usynýǵa tıis.

IATA tiziminde sonymen qa­­­tar mártebesi áli anyqtal­ma­ǵan elder belgilengen, mysaly, Behreın, Martınıka, Palestına.

Shekteýleri tolyq neme­se ishinara alynǵanyna qara­mastan, kóptegen elderde áli de Covid-19 aýyratyndar sany myńdaǵan adammen esepteledi. Mysaly, AQSh, Brazılııa jáne Úndistanda syrqattanýshylar sany óte kóp – 2 275 553, 741 213 jáne 587 908 oqıǵa. Sondyqtan el azamattaryn she­teldik uzaq saparǵa aldyn ala daıyndaý qajet.

Koronavırýstan saqtandy­rý­dy alatyn bolsaq, bul jaıynda shetelge shyǵý aldynda 14 kún buryn qamdaný kerek. Mysaly, Corona Protect saq­tandyrý, re­simdelgen kúni­nen eki aptadan keıin iske qo­sy­lady jáne 6 aı ishinde qol­da­nady. Onyń sharttaryna sáı­kes, emhanaǵa túsken jaǵ­daı­da qarjylyq kómek alý­ǵa bo­lady. Saqtandyrylǵan adam qaıtys bolǵan jaǵdaıda, tó­lemdi muragerleri alady. Saq­tan­dyrý tólemi 4 900-24 500 teń­ge aralyǵynda qubylady, tań­dalǵan tólem jıyntyǵyna táýel­di (100 myń teńgeden 5 000 myń teńgege deıin).