Abaı • 14 Tamyz, 2020

Abaıdyń óleńderi koreı tilinde jaryq kórdi

66 ret kórsetildi

Uly Abaıdyń óleńderin endi ońtústikkoreıalyq oqyrmandar da oqı alatyn boldy. Qazaqstan Respýblıkasynyń Koreıa Respýblıkasyndaǵy elshiliginiń qoldaýymen koreı tilinde Abaı Qunanbaıulynyń óleńderi qamtylǵan «Altyn shańyraqta shyrqalǵan án» atty kitap jaryq kórdi.

Kitapqa Abaıdyń 106 óleńi men 2 epıkalyq poemasy, sondaı-aq Qazaqstan Respýblıkasynyń Prezıdenti Q.Toqaevtyń «Abaı jáne HHI ǵasyrdaǵy Qazaqstan» atty maqalasy engen. Kitaptyń avtory – koreı jazýshysy Kım Bıong Hak.

Kım Bıong Hak 1992 jyly Qazaqstanǵa qonys aýda­ryp, Almaty oblysynyń Úshtóbe qalasyndaǵy koreı ortalyǵynda jumys istedi. Sonymen qatar Abaı atyndaǵy Qazaq ulttyq pedagogıkalyq ýnıversıtetinde koreı tilinen sabaq berip, «Korıo Ilbo» gazetiniń tilshisi, Almatydaǵy Koreı bilim berý ortalyǵynyń dırektory qyzmetin atqardy.

2016 jyly avtor Koreıa Respýblıkasyna qaıta oraldy. Qazirgi ýaqytta ol Kvanjý qalasyndaǵy TMD koreıleriniń mádenı ortalyǵy jetekshileriniń biri. Ol búginde TMD-daǵy koreıler tarıhyn zerttep júr.

Taǵy bir aıta ketetin jaıt, Ońtústik Koreıada Abaı men ál-Farabı beıneleri basylǵan markalar da paıda boldy. Eldegi negizgi poshta operatory «Korea Post» alǵash ret Qazaqstan markalaryn basyp shyǵardy. Markalardyń dızaıny aǵylshyn tilinde Abaıdyń 175 jáne ál-Farabıdiń 1150 jyldyǵynyń belgilerimen dáıekti stılde jasalǵan.

 

Sońǵy jańalyqtar

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar