Álem • 14 Tamyz, 2020

Álemdi ýysynan shyǵarar emes

15 ret kórsetildi

Qytaıdyń Hýbeı provınsııasynyń turǵyny 68 jastaǵy áıel adam COVID-19 indetimen qaı­ta­dan aýyryp qalǵan.

Sınhýa agenttiginiń habarlaýynsha, aqpan aıynda aýrýǵa shaldyǵyp, vırýstan aıyǵýyna aılap ýaqyty ketken áıel qaıtadan indettiń qury­ǵy­na ilingen. Eldiń ortalyǵynda ornalasqan provınsııanyń turǵyny 9 tamyzda tekserilip, nátıjesinde COVID-19 dıagnozymen aýrýhanaǵa jatqyzylǵan.

Bul jaǵdaı ǵalymdardyń indetpen aýyr­ǵan adamdardyń boıynda antıdene bir­ne­she aı ǵana saqtalady degen tujy­ry­myna sáıkes kelip tur. Sondyqtan bir aýyryp turdym ǵoı dep beıǵam júrýge bolmaıdy.

 * * *

Kolýmbııadaǵy indettiń órshýine qarap Ita­lııa úkimeti áýe baılanysyn belgisiz merzimge toq­­tata turatyny týraly sheshim qabyldaǵan.

Kolýmbııa densaýlyq saqtaý mınıstrliginiń Twitter-degi paraqshasynda sońǵy 24 saǵat ishinde 362 pasıenttiń tynysy toqtaǵany jarııa boldy. Álemde pandemııa patshalyq qurǵaly bul elde 422 519 adam COVID-19 vırýsyn juqtyryp, 13 837 kolýmbııalyq indettiń qurbany bolǵan. Al jalpy el kóleminde 239 785 jan jazylyp, 2 023 256 adam test tapsyrypty.

 * * *

Venesýelanyń baılanys jáne aqparat mı­nıs­­tri Horhe Rodrıges COVID-19 juqtyr­ǵa­nyn Twitter-degi paraqshasynda jazdy.

Eldiń bas aqparatshysy Horhe Rodrıges «Men COVID-19-ben aýyrǵanym jaıly dıagnoz qoıylǵanyn habarlaýǵa mindettimin. Jaǵdaıym jaqsy bolǵanymen oqshaýlaný rejimin saqtap, vırýs­ty jeńip shyǵýǵa tıispin», dep jazypty.

Shilde aıynda atalǵan eldiń ekonomıka jáne munaı vıse-prezıdenti Tarek El-Aıssamı men ulttyq quryltaı jıynynyń spıkeri Dıosdado Kabelo da aýyryp turǵan-dy.

 * * *

Argentına prezıdenti Alberto Fernandes Oks­ford ýnıversıtetinde jasalǵan KVI-ge qarsy vaksınany Meksıkamen birlesip shyǵa­rý­dy jos­parlap otyr. Bul týraly REGNUM agenttigi habarlady

Prezıdent Alberto Fernandes argentınalyq AstraZeneca men meksıkalyq Karlos Slım atyndaǵy qor birlesip, Latyn Amerıkasyndaǵy Brazılııadan basqa memleketterdi túgel vaksınamen qamtıtyn irgeli jumys júrgizetinin, jobanyń kommersııalyq emes ekenin málimdedi. Barlyq tájirıbelik jumys aıaqtalysymen vaksına shyǵarý jolǵa qoıylyp, 2021 jyldyń birinshi jartysynda qoljetimdi bolmaq.

Argentınada pandemııa bastalǵannan beri 268 574 adam vırýs juqtyryp, 5213 adam dúnıe salǵan.

 * * *

Brazılııanyń densaýlyq saqtaý mınıstrligi bir táýliktiń ishinde 55 155 adamnyń aýrý juqtyrǵanyn habarlaǵan.

Onsyz da qara jamylyp, úsh kún aza tutqan elde osylaısha jamanat dert jamaǵandardyń qatary artyp, jalpy indetke shaldyqqandardyń sany 3 164 785 boldy. Buǵan deıin COVID-19-dan kóz jumǵandar 104 201 bolsa, endi 1175 adam ajal qushypty. Degenmen 2 309 477 naýqastyń aýrýdan jazylyp shyqqany eldiń eńsesin kóterýge sep bolyp tur.

* * *

Italııa úkimeti 12 tamyzda aımaqtar bas­shy­la­rynyń qatysýymen keńes ótkizip, vı­rýs­tyń yqpalyn azaıtý joldaryn qaras­tyr­ǵan jobalardy ortaǵa saldy.

Italııa densaýlyq saqtaý mınıstri Roberto Speransa Ispanııa, Grekııa, Horvatııa jáne Maltaǵa baryp demalyp qaıtqan otandastardan áýejaı basynda test alý kerek ekenin usynǵan. Onyń aıtýynsha, ekspress-test arqyly adamdardyń 14 kún oqshaýlanýy qajet bolmaıdy.

Otyrysta pandemııanyń el ekonomıkasyna tıgizgen salqyny da sóz bolǵan. Sarapshylar Italııadaǵy IJО́ jyl aıaǵynda 10-15 paıyz deń­geıi­ne deıin quldyraýy múmkin ekenin aıtsa, resmı bılik 8-9 paıyzdy quraıdy dep úmittenedi. Ekonomıkany uıyqqa batyrmaý úshin úkimettik jobalarǵa 75 mlrd eýro qarastyryldy, onyń biraz bóligi kredıttik qarajattan quralǵan.

 

Daıyndaǵan

Anar TО́LEÝHANQYZY,

«Egemen Qazaqstan»

 

Sońǵy jańalyqtar

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar