Vırýsty joıatyn betperde óndiredi

Bul betperde Nazarbaev Ýnıversıtet janyndaǵy tehnoparkte ýltradybystyq tehnologııa boıynsha shyǵarylady. О́ndi­rý­shiler maska bakterııanyń 99,99 paıyzyn, vırýstyń 98,89 paıyzyn joıatynyna kepildik beredi. Bul álemniń ártúrli iri ǵylymı-zertteý ortalyqtarynyń zert­ha­na­lyq zertteýleri nátıjesinde ras­tal­ǵan. Halyqaralyq standarttarǵa sáıkes ke­ledi.

О́ndirýshilerdiń aıtýynsha, betperdeni bir jyl boıy qoldanýǵa bolady, júz ret jýý sıklynan keıin de qasıeti joıylmaıdy. Aıta ketý kerek, pandemııa kezinde «Qamqor Tech» kompanııasy ozyq jáne biregeı tehnologııany qoldana otyryp, júzdegen adamnyń ómirin qutqarý úshin COVID-19 vırýsynyń taralýyna qarsy kúreske atsalysýǵa sheshim qabyldady.

Izraıldik «Sonovia» kompanııasynyń ónim­deri Eýropa men AQSh naryqtaryn qam­tıdy, kompanııanyń vırýsqa qarsy mas­­kalary TMD jáne Ońtústik-Shyǵys Azııa naryqtarynda qazaqstandyq «Qamqor Tech» kompanııasynyń brendimen usy­ny­lý­da.

– Búgingi tańda osy jobaǵa salynǵan ınvestısııa kólemi 140 mln teńgeden asady, aldaǵy ýaqytta óndiristi jańǵyrtý, ónim túrlerin kóbeıtý aıasynda kóptegen ju­mystar atqarylady, – deıdi kompanııa ókil­deri.

Aıta ketý kerek, «SONOMASK» maska­la­rynyń ereksheligi týraly New York Times, Reuters, The Guardian, I24 News, VogueBusiness, The Independent syndy she­teldik bedeldi basylymdar jazǵan bolatyn.

Gýmanıtarlyq kómek aıasynda «Sonovia» kompanııasy pandemııaǵa qarsy kú­reste al­ǵy shepte júrgen dári­ger­ler­ge qorǵanys mas­ka­laryn tapsyr­dy. Bet­perdeler Ult­tyq ǵylymı kardıo­hı­rýrgııalyq ortalyqqa jáne №1 qalalyq aýrýhanaǵa berildi.