Sol baıqaýda maǵan birinshi oryn buıyrdy. Qazylar alqasynyń tóraǵasy Shámshi Qaldaıaqov eken. Ol kisi solaısha eń jas jáne talantty ánshi retinde qoldap, ónerime sát-sapar tilegen edi. Bul oqıǵa meniń kóńilimde umytylmastaı saqtaldy. Ekinshi bir esten shyqpaıtyn oqıǵa – 1991 jyly taǵy bir úlken respýblıkalyq baıqaýda Shámshi Qaldaıaqovtyń ánderin oryndadym. Shámshi aǵa meniń oryndaýyma sonshalyqty rıza boldy. Sahnaǵa shyǵyp, qolymdy kóterip, baladaı qýanǵany áli esimde. Dál sol sáttegi kadr kompozıtorǵa arnap túsirilgen derekti fılmderde bar.
Shámshi aǵanyń kóptegen ánderin súıip oryndaımyn. Osydan biraz ýaqyt buryn demeýshilerdiń kómegimen tek qana sol kisiniń ánderinen turatyn án dıskisin shyǵarǵanymdy aıtqym keledi. Ásirese sol kóp ánniń ishinde «Ánim sen ediń», «Keshikpeı kelem dep eń» deıtin ánderin jıi aıtamyn. Shámshi Qaldaıaqovtyń esimi onyń mýzykasyn súıetin, qadirleıtin jandardyń esinen shyqpaq emes. Ol óziniń tamasha, qaıtalanbas ánderimen bizdiń júregimizde, ıaǵnı qazaq halqynyń júreginde máńgi jasaıdy dep oılaımyn. О́ıtkeni ol halyq kompozıtory, esimi halyq uǵymymen tutasyp ketken tulǵa.
Roza RYMBAEVA,
Qazaqstannyń halyq ártisi,
Memlekettik syılyqtyń laýreaty
