Avtordyń ózi sharaǵa onlaın-rejiminde qatysyp otyrdy. Al sharany oblystyq mádenıet jáne tilder basqarmasynyń bastyǵy Quralbek Atamuratov pen aqyn, Jazýshylar odaǵynyń astanadaǵy fılıalynyń basshysy Dáýletkereı Kápuly júrgizip otyrdy. Kitap jazýshynyń tulǵalyq qyrlaryn esh boıamasyz ashýymen muqanovtanýǵa jańa olja salyp otyr. Bar ómirin, óneri men qaıratyn týǵan halqynyń órkendeýine arnaǵan jazýshynyń ózi:
Jan syrym, halqym, maǵan senseń eger,
Boryshym shashymnan kóp saǵan berer.
Jelkeme shor túser dep aıamaı sal,
Men seniń ógizińmin órge jeger, -dep, qazaq mádenıetiniń barlyq salalarynyń damýyna barlyq kúsh-jigerin salyp, eńbek etkeni málim. О́ziniń sózinde Qulbek Ergóbek onyń jazýshylar odaǵyn da alǵashqy qurýshylardyń biri ǵana emes on bes jyldaı basqaryp, aıaǵynan turǵyzyp ketkenin de atap ótti. Qazaq ádebıetiniń barlyq janrynda eńbek etip, ony shyn máninde ógizdeı órge súıredi. Qazaq jastarynyń kórkemdik mádenıetiniń qalyptasýyna onyń barlyq shyǵarmalary áser etti.
Ras, jazýshy «jetkizemiz, gúldendiremiz» dep jelpildetken kommýnıstik partııanyń jalǵan urandaryna ábden senip, ózi de soǵan qyzmet etti. Alaıda ol bir sarynmen ketken joq, qazaq múddesiniń taptalmaýy úshin túrli shovınısterge qarsy buǵyp qalmaı, ashyq kúresti. Qazir keıbir alashtanýshy jastar Sábeńniń «О́mir mektepterindegi» Alash arystaryn synaǵanyn jalaýlatyp, odan «halyq jaýyn» shyǵarýǵa tyrysyp júrgeni de bar. Biraq ondaılar Sábeń alashtyqtardy synaı otyryp, istegen eńbekterin aıtyp ketkenine boılaı bermeıdi. Qalaı desek te «Sábeń – oıy bar, qyry bar qazaqtyń keń dalasy» (Ǵ.Jaılybaı), al dalany eshkim de tarıhtan syza almaıdy. Shyǵyp sóılegen jergilikti ǵalym Zarqyn Taıshybaı, jazýshy Jarasbaı Súleımenov, astanadan arnaıy kelgen L.Gýmılev atyndaǵy EýrAzııa Ulttyq ýnıversıtetiniń professory Saǵymbaı Jumaǵulov, jyr arnaǵan aqyn Amanjol Zaǵypar jáne basqalardyń sózderinen de osy saryndas oılar tógildi.
Alty júz bettik «Kelbet» kitaby Nur-Sultan qalasyndaǵy «Folıant» baspasynan Qazaqstan Jazýshylar odaǵynyń astanadaǵy fılıalynyń basshysy, aqyn Dáýletkereı Kápulynyń bastamasymen bir myń dana bolyp jaryq kórgeneken. Kitaptyń tehnıkalyq turǵydaǵy sapasy óte joǵary, jutynyp tur. Ishindegi oqyrmanǵa bereroljasy da zor ekeni sezilýde, óıtkeni ol basqa emes jazýshynyń janynda bolǵan, ǵylymı ataq-dárejesin de soǵan arnaǵan qazaqtyń búgingi ádebıetiniń kóshbasshy ǵalymdarynyń biri – Qulbek Ergóbektiń qalamynan týǵan. Osyndaı baǵaly, asa qundy kitapty shyǵarýǵa demeýshilik jasaǵan jergilikti kásipker, teristiktiń búgingi Atymtaı-Jomarty Jomart Omarov.
Sóıtip, jalǵyz teristik turǵyndary emes, jalpy qazaq ádebıetine bir oljaly týyndy keldi.
