Aımaqtar • 21 Tamyz, 2020

Aqmola óńirinde “Mektepke jol” aksııasy jalǵasýda

180 ret

kórsetildi

2 mın

oqý úshin

Qaıyrymdylyq qashanda adam janyn eljiretetin, taýqymetin talqysynan shyǵýǵa septigin tıgizetin izgi qasıet. Jańa oqý jyly jaqyndaǵan saıyn áleýmettik jaǵynan az qamtylǵan otbasylardyń alańdaýshylyǵyn da ábden túsinýge bolady. Sońǵy jyldary bilim oshaǵynyń tabaldyryǵyn attaıtyn búldirshinderge degen qoǵamnyń qamqorshylyǵy aıqyn sezile bastady.

Baıqal BAIÁDIL

Aqmola óńirinde “Mektepke jol” aksııasy jalǵasýda

Oblystyq kóshi-qon qyzmeti basqarmasynyń mamandary da osy oraıda qoldarynan kelgenderinshe kómek qolyn sozýda. Eki jyl qatarynan aksııaǵa belsene at salysyp, janashyrlyqtaryn tanytýda. Osyndaı sharapatqa bólengenderdiń biri – Kókshetaý qalasyndaǵy Orazovtar áýleti. Otbasynda úbirli-shúbirli tórt bala bar. Tuńǵyshtary bıyl 5 synypqa barmaq.

–Tórt balany birdeı mektepke daıyndaý árıne,aýyrlaý. Kóp kómegi kóp-kórim qoldaý bolyp tur. Balalar bilimsiz qalmaıdy ǵoı, biraq, bizdi qýantatyny qoǵamdaǵy izgilik, qaıyrymdylyq. Jaqsylardyń jaqsylyǵyn kórip-ósken balalar da erteń qaıyrymdy bolady. Eń bastysy, sol emes pe?!–deıdi kópbalaly ana Gúlden Orazova.

Oblystyq kóshi-qon qyzmeti basqarmasynyń mamandary byltyr da birneshe otbasyna kómek kórsetken. Osy jyly da sol dástúrdi jalǵastyrýdy kózdeıdi.

– Bizdiń ujym birneshe otbasylardyń balalaryn mektepke qajet kıim-keshek, keńse taýarlarymen qamtamasyz etti. Ár otbasyna shamamen 45-50 myń teńge jumsalady. Aldaǵy ýaqytta da kómektesýge daıynbyz,–deıdi oblystyq kósh-qon qyzmeti basqarmasynyń aǵa ınspektory Almasbek Dákimov.

Bir aıta keterligi, oblystyq polısııa departamentiniń barlyq bólimderi osy shara aıasynda belsendilik tanytýda. Jyl basynan beri olar 50-den astam otbasynyń balasyn oqýǵa qajetti qural-jabdyqtarmen qamtamasyz etken. Aıta ketý kerek, atalmysh aksııa jyl boıy júzege asyrylady.