Qazaqstan Respýblıkasy Memlekettik qyzmet isteri agenttiginiń tóraǵasy Álıhan Baımenovtiń basshylyǵymen Qazaqstan delegasııasy 2013 jyldyń 22-23 qazanynda Koreıa Respýblıkasynda ótken «Smart úkimet pen Smart qoǵam» atty Elektrondyq úkimet boıynsha jahandyq forýmyna qatysty.
Qazaqstan Respýblıkasy Memlekettik qyzmet isteri agenttiginiń tóraǵasy Álıhan Baımenovtiń basshylyǵymen Qazaqstan delegasııasy 2013 jyldyń 22-23 qazanynda Koreıa Respýblıkasynda ótken «Smart úkimet pen Smart qoǵam» atty Elektrondyq úkimet boıynsha jahandyq forýmyna qatysty.
22 qazan kúni forýmnyń plenarlyq otyrysy kezinde Á.Baımenov «Qazaqstan qoǵamy úshin ashyq jáne zamanaýı basqarý: jetistikteri men perspektıvalary» taqyrybynda spıker retinde sóz sóıledi.
Á.Baımenov forýmnyń qatysýshylaryn «Qazaqstan-2050» Strategııasynyń damyǵan 30 eldiń qataryna kirý boıynsha basymdyqtarymen tanystyrdy. Osy basymdyqtar baǵyttarynyń biri aqparattyq kommýnıkasııalyq tehnologııalardy damytý men qoldaný bolyp tabylady. «Aqparattyq Qazaqstan-2020» baǵdarlamasy qyzmet kórsetýge baǵyttalǵan jáne tehnologııalyq jaǵynan damyǵan memleketke kóshý quraly retinde erekshe atap ótildi.
Forýmnyń qatysýshylary Qazaqstan Respýblıkasynyń zamanaýı tehnologııalardy paıdalana otyryp memlekettik apparatynyń tıimdiligin arttyrý, memlekettik qyzmetterdi kórsetýdiń sapasyn joǵarylatý boıynsha sharalarymen tanystyryldy.
Agenttik tóraǵasy keshendi baǵdarlamalarmen qatar, smart-medısına, elektrondyq oqytý (e-learning), mobıldi úkimet, e-qyzmet sııaqty túrli salalarda; óńirlik deńgeıde SmartAstana, Innovasııalyq tehnologııalar parki jáne t.b aqparattyq tehnologııalardy qoldaný boıynsha jumys atqarylyp kelgenin atap ótti.
Á.Baımenov forým qatysýshylaryn jahandyq e-qatysýdyń úlgisi retinde G-Global-ǵa qatysýǵa shaqyrdy, sonymen qatar, forým hatshylyǵyna memlekettik qyzmet salasyndaǵy óńirlik habqa áriptes bolýdy usyndy.
«Egemen-aqparat».
