"Biz 2020 jyldyń 4 sáýirinen bastap jumys istep jatyrmyz. Osy ýaqyt ishinde 300 onlaın-keńes ótkizildi. Negizinen oqshaýlanyp jatqan eresekter habarlasqan. Bizde bilikti psıhologtar, psıhoterapevter, psıhıatrlardan quralǵan 61 maman jumys isteıdi. Alty baqylaýshy qıyn jaǵdaılarmen jumys júrgizedi. Sonymen qatar, Youtube arnasynda 50-ge jýyq bilim beınematerıalyn jarııaladyq", deıdi Nıkolaı Negaı.
Onyń aıtýynsha, mamandar psıhologııalyq máselelerge baılanysty 263 onlaın-keńes ótkizip, psıholog, psıhoterapevterge 47 keńes berdi. Ortalyqtyń resýrsyna 30 myńnan astam adam kirgen.
"Negizinen bizge kúızelis, ashýshańdyq, agressııa, qorqynysh, alkogoldi shekten tys kóp ishý, depressııa, otbasylyq-turmystyq problemalar, quqyqtyq qoldaý qajettiligi jáne taǵy basqa máseleler boıynsha habarlasady. Biz kórsetiletin kómektiń tıimdiligin zerttedik. Nátıje bar. Árıne, adamǵa onlaın keńes berý qıyn. Alaıda, osy epıdemıologııalyq jaǵdaıda biz sheshim tabýǵa tyrysamyz", dedi ol.
Aıta ketý kerek, áleýmettik-psıhologııalyq ońaltýdyń jalpy kontentin Qazaqstandaǵy BUU Balalar qory (IýNISEF) jáne Almaty qalasynyń qoǵamdyq densaýlyq basqarmasy ázirlegen.
