AQSh 2014 jyldyń shilde aıynda Manas áýe bazasyn Qyrǵyzstan úkimetine qaıtaryp beretin boldy. Bul týraly ITAR-TASS habarlady.
AQSh qarýly kúshteri kólik komandasynyń basshysy Ýılıam Freızerdiń aıtýy boıynsha, AQSh qorǵanys mınıstrligi Manas halyqaralyq áýejaıyndaǵy tranzıttik tasymaldaý ortalyǵynan kóshý prosesin bastady jáne 2014 jyldyń shilde aıynda barlyq nysandar men alańdardy Qyrǵyzstan úkimetine tapsyryp bitýdi kózdep otyr. «Biz Qyrǵyzstan úkimetiniń Manas áýe bazasyna qatysty iskerlik kelisim shartty toqtatý jónindegi sheshimin syılaımyz. Bishkektiń AQSh qarýly kúshterine kórsetken qoldaýyn joǵary baǵalaımyz», – dedi ol.
Pentagon osy aıda AQSh-tyń Manas bazasyndaǵy operasııalaryn toqtatatyny jóninde habarlaǵan edi. Sol kezde AQSh áskerı basqarmasynyń resmı ókili podpolkovnık Ketı Ýılkınson AQSh kúshteriniń Manas bazasynan ketýine baılanysty, Aýǵanstandaǵy áskerı operasııalar endi Qara teńizde ornalasqan, Rýmynııanyń Konstansa qalasy mańyndaǵy Mıhaıl Kogelnıchaný atyndaǵy áýejaıynan júrgiziletinin málimdedi.
Aıdar О́risbaev.
