Keshe Qazaqstan Respýblıkasy Prezıdentiniń janyndaǵy Memlekettik basqarý akademııasynda О́ńirlik hab sheńberinde habtyń qatysýshy elderiniń memlekettik qyzmet salasyndaǵy ýákiletti memlekettik organdary men bilim berý mekemeleriniń basqarýshy býyny úshin «Memlekettik qyzmetti jańǵyrtýdyń ózekti máseleleri» taqyrybyndaǵy semınar-trenıng bastaldy.
Semınar-trenıng úsh kún boıyna ótedi jáne úsh sessııadan turady: I. Memlekettik qyzmettiń adam resýrstaryn basqarýdaǵy ınnovasııalar; II. Qoǵamdyq eseptilik jáne memlekettik qyzmet júıesindegi sybaılas jemqorlyqqa qarsy saıasat;
Keshe Qazaqstan Respýblıkasy Prezıdentiniń janyndaǵy Memlekettik basqarý akademııasynda О́ńirlik hab sheńberinde habtyń qatysýshy elderiniń memlekettik qyzmet salasyndaǵy ýákiletti memlekettik organdary men bilim berý mekemeleriniń basqarýshy býyny úshin «Memlekettik qyzmetti jańǵyrtýdyń ózekti máseleleri» taqyrybyndaǵy semınar-trenıng bastaldy.
Semınar-trenıng úsh kún boıyna ótedi jáne úsh sessııadan turady: I. Memlekettik qyzmettiń adam resýrstaryn basqarýdaǵy ınnovasııalar; II. Qoǵamdyq eseptilik jáne memlekettik qyzmet júıesindegi sybaılas jemqorlyqqa qarsy saıasat;III. Memlekettik qyzmet tıimdiligi men memlekettik qyzmetshiler qyzmetin baǵalaý.
Qanatqaqty semınar-trenıng jumysyna habtyń 12 qatysýshy eliniń memlekettik qyzmetshileri men bilim berý mekemeleriniń qyzmetkerleri qatysyp jatyr.
Atalǵan is-sharaǵa trener retinde Ontarıo úkimetiniń Mınıstrler kabınetiniń tıimdilik jáne ınnovasııalar jónindegi vıse-mınıstriniń eks-kómekshisi Art Denıels (Kanada), Nıderlandy Ortalyq úkimetiniń Joǵary memlekettik qyzmet jónindegi ofısiniń eks-bas dırektory Iаn Ýılem Vek, Nıderlandynyń Ortalyq úkimetiniń joǵarǵy memlekettik qyzmet keńsesiniń (ABD) burynǵy bas dırektory Panos Lıverakos jáne Irlandııa Memlekettik qyzmetiniń atqarýshy bıliginiń eks-basshysy, BA&Associates konsaltıng kompanııasynyń basqarýshy dırektory Braıan Endrıýs qatysýda.
Sabaqtar sheber-synyptar, taldaý-pikirtalastar, keıs ádisin jáne ınteraktıvti bilim berý tehnologııalaryn qoldaný arqyly semınar-praktıkýmdar, toppen jumys isteý túrinde ótýde. Semınar-trenıngti ótkizý ıdeıasy Kanada, Nıderlandy, Irlandııa jáne Grekııanyń memlekettik qyzmet júıesin reformalaýǵa qatysqan jetekshi halyqaralyq sarapshylarmen birge memlekettik qyzmetti jańǵyrtýdyń ózekti máselelerin talqylaý bolyp tabylady. Semınar-trenıngtiń baǵdarlamasyna halyqaralyq trenerlerdiń sabaqtarymen qatar, О́ńirlik hab memlekettik organdary ókilderiniń baıandamalary engizilgen.
Semınar-trenıngtiń ashylý rásimine Qazaqstan Respýblıkasy Memlekettik qyzmet isteri agenttiginiń tóraǵasy Á.Baımenov, BUU DB turaqty ókili S.Týll, Qazaqstan Respýblıkasy Prezıdentiniń janyndaǵy Memlekettik basqarý akademııasynyń rektory B.Ábdirásilov, sheteldiń jıyrmadan asa elshileri men ókilderi, sonymen qatar, EQYU, Eýroodaq, USAID sekildi halyqaralyq uıymdardyń basshylary qatysty.
О́ńirlik hab – TMD elderi, Grýzııa jáne Aýǵanstan úshin memlekettik qyzmet salasynda bilim men tájirıbe almasý boıynsha Qazaqstan Respýblıkasy Memlekettik qyzmet isteri agenttigi men BUU DB-nyń birlesken kólemdi jobasy bolyp tabylady. О́ńirlik hab memlekettik qyzmetti jańǵyrtý máseleleri boıynsha praktıkter, ǵalymdar men sarapshylardyń dıalogyn ornatý úshin kópjaqty alań qurýǵa arnalǵan, sondaı-aq, birlesken jobalar men baǵdarlamalardy ótkizý, kásibı jelilerdi jáne óńirdiń saraptamalyq qoǵamdastyǵyn uıymdastyrý úshin negiz bolyp tabylady.
Láıla Edilqyzy,
«Egemen Qazaqstan».
