Depýtattar kórsetken demeý

Máselen, oblystyq más­lı­hattyń depýtaty Ádil Jubanov­tyń demeýshiligimen jergilikti atqarýshy organdarǵa 2 mln 300 myń teńgeniń 10 teplovızory alyndy. Sondaı-aq Isataı, Ma­hambet aýdandaryndaǵy az qamtylǵan, kópbalaly 90 otba­syna azyq-túlik sebetin alyp berdi. Al Atyraý qalalyq más­lıhatynyń depýtaty Álibek Semǵalıev jeke ıeligindegi 62 oryndyq «Pekın» qonaqúıin medısına qyzmetkerlerine usyndy. Sóıtip, onda dárigerler men or­ta býyndaǵy qyzmetkerler ju­mystan keıingi demalysyn ótkizdi.

Karantındik shekteýler az qamtylǵan, kópbalaly otbasylar úshin ońaıǵa soqpady. Osyǵan baılanysty oblystyq máslıhattyń depýtattary Gúl­nar Sadýahasova, Sabyrjan Sultanov, Aıbek Ǵabdýllın, Serik Idranov birneshe otbasyna azyq-túlik sebetin alyp berip, ıgilikti iske óz úlesterin qosty. Taǵy bir depýtat M.Bazarbaı jer­gilikti kásipkerlerdi uıym­dastyryp, demeýshiler esebinen Qulsary qalasynda kúndelikti dezınfeksııalyq jumystar júrgizýdi qolǵa aldy. Al E.Sa­parov óńirlik turaqtandyrý qo­ryna áleýmettik mańyzdy azyq-túlik ónimderin jetkizýge de­meýshilik jasady. Sóıtip, ol 400 tonnaǵa jýyq joǵary su­rypty bıdaı unyn jetkizip berdi.

Qaýipti indet órshigen sátte aýrýhanalarda jasandy tynystandyrý apparattary jetispeıtini baıqaldy. Osyndaı qıyn sátte oblystyq máslıhattyń bir top depýtaty qaltasynan qarjy shy­­ǵaryp, Túrkııadan atalǵan apparattyń birnesheýin aldyrýǵa bastama kóterdi. Oblystyq más­lıhat depýtattarynyń bul usy­­nysyna Májilis depýtaty Baqtyqoja Izmuhambetov pen Senat depýtaty Ǵumar Dúı­sembaev qoldaý bildirdi. Osy­laısha, depýtattardyń demeýimen 15 dana jasandy tynystandyrý apparaty satyp alynyp, aýdan­dyq aýrýhanalarǵa shuǵyl túrde jetkizildi. Turǵyndar teńizge quı­ǵan tamshydaı bolsa da, de­pýtat­tardyń halyqtyń dertten aıyǵýyna úles qosqanyna qýanyshty.

Qaýipti indet dendegen kezde azyq-túlik pen dári-dármek baǵalarynyń jónsiz ósýi tur­ǵyndardyń renishin týǵyz­ǵany daýsyz. Osyǵan oraı ob­lystyq, qalalyq, aýdandyq más­lıhat depýtattarynan qu­ryl­ǵan partııalyq baqylaý ko­mıs­sııa­sy azyq-túlik ónimderi men dári-dármektiń baǵasyna qatań baqylaý júrgizip ke­ledi. Sondaı-aq «Jumyspen qamtý-2020» jol kartasynyń oblys kóleminde júzege asýyn, osy baǵdarlama aıasynda jergilikti turǵyndardyń ju­mysqa ornalasýyn baqylaýǵa alyp otyr. О́ńirde iske asyrylatyn ın­fraqurylymdyq jobalardaǵy vakanttyq jumys oryndary ju­myssyzdarǵa usynylyp, jumyspen qamtý sharalary qolǵa alyndy.

Qaýipti indetti jeńýdiń bas­ty sharty – karantındik re­jimdi qatań ustaný. Munyń du­rystyǵyn álemdik tájirıbe anyq kórsetip otyr. Alaıda halyq­tyń áli de otbasylyq jı­­yndardan bas tartpaıtyny baıqalady. Sol sebepten, atqa­­rýshy organdarmen birlese halyqtyq baqylaý júrgizýdiń tıimdiligi zor. Degenmen ár aza­mattyń sanalylyǵy, joǵary ja­ýapkershiligi, tipti saýaty men mádenıet deńgeıi sheshýshi ról atqaratyny sózsiz.

Sonymen birge emdeý shara­laryn uıymdastyrýda kem­shi­likter baıqalyp otyr. Ob­lystyq máslıhatqa túsken hat­tar­dy saralasaq, jergilikti jerde arnaıy stasıonarlar ashý, medısına mamandarymen, naýqastardy dári-dármek, jasandy tynystandyrý, rentgen qurylǵylarymen qamtýdaǵy kemshilikter aıtylǵan. Bul – barlyq aýdanǵa tán másele. О́ıtkeni óńirde maýsymnyń so­ńynda qaýipti indet kúrt ósip, medısına salasynyń daıyn­dyǵy jetkiliksiz ekenin kórsetti. Munyń bir sebebin otan­dyq me­dısınada indetke qarsy ju­mys tájirıbesi bolmaýy­men baılanystyrǵan jón shy­ǵar. Osyǵan oraı budan buryn asa qaýipti juqpaly jáne ka­ran­tındik aýrýlarǵa qarsy at­qa­rylǵan jumystar tájirıbesin qaıta jandandyrý qajet.

Jaqynymyzǵa janashyr bolý úshin indettiń keń taralý sebebin jan-jaqty zerdelep, kem­shilikten qorytyndy shy­ǵarý, densaýlyq saqtaý salasyn epı­demııaǵa tyńǵylyqty daıyndaý – basty mindetimiz.

О́mirzaq ZINÝLLIN,

Atyraý oblystyq máslıhatynyń hatshysy