Máýlen Áshimbaev: Daǵdarystan keıingi damý baǵytyn aıqyndap berdi

Joldaýda, eń aldymen, memlekettik basqarý salasyn reformalaý máselesi­ne kóńil bólinýi tegin emes. Sebebi qolǵa alǵan jańǵyrtýlardy memlekettik apparattaǵy ózgeristersiz júzege asyrý múmkin emes ekeni belgili. Bul, ásirese, pandemııa kezeńinde anyq baı­qaldy. Memlekettik apparat negizsiz maq­sat­tardy kózdemeı, azamattardy alań­datqan naqty ári ózekti másele­ler­di sheshýge jumylý kerek. О́z kezegin­de qazaqstandyqtar qabyldanǵan sheshim­derdiń máni men mańyzyn tereń túsinýi qajet. Qazirgi tańda qoǵam túsinikti jáne tıimdi memlekettik bastamalar men baǵdarlamalardy talap etýde. Sondyq­tan utymdy ulttyq jobalar formatyna kóshý der kezinde qolǵa alynyp otyr.

Prezıdent Joldaýynda jańa jaǵdaı­daǵy ekonomıkalyq damý máselesine basa mán berilgen. Básekelestiktiń, shaǵyn jáne orta bıznestiń órkendeýi tabıǵı resýrs­tarǵa táýeldilikti tómendetý arqyly ekonomıkany kúsheıtý, azamat­tardyń bastamalaryn damytý, halyqtyń ómir súrý sapasyn arttyrýǵa jaǵdaı jasaý sııaqty úsh birdeı mańyzdy mindetti oryndaýǵa múmkindik beredi.

Memleket basshysy óńirlerdi damytý máselesine de erekshe toqtaldy. Parlament depýtattarynyń oblystarǵa sapary kezinde ózekti problemalardy sheshý joldary pysyqtalyp, aza­mattardyń usynystary tyńdalǵan bola­tyn. Joldaýdaǵy óńirlerdi damy­týǵa arnalǵan basymdyqtardy iske asyrý jáne olardy sapaly zańdarmen qam­tamasyz etý bizdiń Palatamyzdyń jumysyndaǵy negizgi basymdyqtardyń biri bolyp sanalady. Sebebi senatorlar óńirlerdiń ókili retinde Zań shyǵarý organynda aımaqtardyń múddesin qorǵaıdy.

Quqyq qorǵaý jáne sot júıesindegi reformalar da odan ári jalǵasady. Prezıdentimizdiń jańǵyrý baǵdarynda adam quqyǵy zor mańyzǵa ıe. Ony osy saladaǵy barlyq olqylyqtardy ózger­týge jáne joıýǵa arnalǵan tyń bastamalardan anyq baıqaımyz.

Memleket basshysynyń áleýmettik baǵyt­taǵy, onyń ishinde bilim berý jáne den­saýlyq saqtaý salalaryn damytýǵa ar­nal­ǵan bast­amalaryn da zańnamalyq tur­ǵy­dan qam­tamasyz etý kerek. О́tken aılarda bul baǵyttar boıynsha jumys tásilin qaı­ta jandandyrý qajet ekenine kezekti ret kóz jetkizdik. Bul rette keıbir másele­lerdi bilim men medısınanyń tıimdi­li­gin arttyratyn utymdy sıfrlan­dyrý jáne memlekettik qyzmet túr­lerin alýdy barynsha jeńildetý arqyly sheshýge bolady. Sondaı-aq Joldaý­da sońǵy kezderi qoǵamda qyzý talqyla­nyp júrgen ekologııalyq bilim jáne janýarlardy qorǵaý máselesi de nazardan tys qalmaǵan.

Sonymen qatar Prezıdentimizdiń bir­qatar strategııalyq máselelerdi qoǵam­nyń talqylaýyna shyǵarýy óte mańyz­dy. Onyń ishinde ákimderdi saılaý, petısııa qurý, jergilikti ózin-ózi bas­qarýdy reformalaý jáne sheshim qabyl­daý úderisine azamattardyń kóptep qaty­sýyn qamtamasyz etý máseleleri bar. Mu­nyń bári «Halyq únine qulaq asa­tyn memleket» tujyrymdamasynyń ári qaraı júzege asyryla beretinin bildiredi.

Osyndaı naqty bastamalardy eske­rip, Prezıdent Joldaýy jan-jaqty pysyq­talǵan, Qazaqstannyń daǵdarys­tan keıingi damý baǵytyn jáne ulttyq basymdyqtardy anyqtap bergen qujat dep aıtýǵa tolyq negiz bar. Joldaýda ekonomıkany qalpyna keltirýge jáne azamattardyń turmys sapasyn arttyrýǵa arnalǵan naqty sharalar qarastyrylǵan. Aldaǵy ýaqytta Memleket basshysynyń barlyq bastamasyn iske asyrý úshin tıisti zańdar qabyldanady. Bul jańa sessııada depýtattar jumysynyń negizgi basymdyǵy bolyp sanalady.