Basylymnyń aqparaty boıynsha, Messı komandadan ketemin degen raıynan qaıtýy múmkin. Kapıtannyń komandada qalýynyń basty sebebi - klýbtyń prezıdentiniń sheshimi bolyp tur. Jozep Bartamoý, ıaǵnı komanda prezıdenti qazir Messıdi eshqaıda jibermeıtinin málimdedi. Muny ol Messıdiń ákesi Horhe Messımen kezdesý barysynda qadap turyp aıtqan.
Sondyqtan endi ol kelisimshartty buzý úshin sotqa barýy kerek. Alaıda Messı mundaı qadamǵa barǵysy kelmeı otyr.
33 jastaǵy argentınalyq fýtbolshy "Barselonadan" abyroımen ketkisi keledi. Sol úshin de ol kelesi maýsymda oınap, jankúıerlermen qoshtasyp ketpekshi. Sondaı-aq ol Neımardyń qateligin qaıtalaýǵa nıetti emes. Brazılııalyq fýtbolshy 2017 jyly "Barselona" basshylarymen janjaldasyp ketken bolatyn.
Bıyl Messı eshqandaı sotqa júginbeı kelisimshartty buzǵysy kelgen edi. Biraq komanda basshylary oǵan mundaı múmkindik bermedi.
Messı - "Barselona" tálimgeri. Ol komandaǵa 2000 jyly qosylyp, búkil karerasyn osy ujymda ótkizgen. Bıyl shabýylshy 44 kezdesýge qatysyp, 31 gol soǵyp, 26 goldyq pas berdi.
