Jemqorlyqqa qarsy birigip kúresedi

Ekijaqty talqylaýdyń negizgi taqy­ryby – sybaılas jem­qor­lyqqa qarsy is-qımyldy kúsheıtý, jemqorlyq faktileri  týraly ha­bar­laǵan adamdardy (whistle­blowing) qorǵaýdyń keshendi júıesin qalyp­tastyrý, quqyq qorǵaý organ­da­ry­nyń qyzmetkerlerin, sýdıalardy, para berýshiler men paraqorlyqtaǵy deldaldardy jemqorlyq qylmystary úshin jazany qatańdatý bóliginde Memleket basshysynyń Joldaýynda aıtylǵan sybaılas jemqorlyqqa qarsy bastamalardy iske asyrý.

 «Biz qoǵamdyq suranysqa ja­ýap bere otyryp, sybaılas jem­qor­lyqqa qarsy is-qımyldy kúsheı­tý, zań ústemdigin nyǵaıtý jáne adam quqyqtaryn qorǵaý boıynsha jumystar atqarýdamyz», – dedi Alık Shpekbaev. Odan ári serb áriptesterine agenttiktiń qyzmeti týraly beınerolık kórsetildi.

О́z kezeginde Dragan Sekımıch: «Búgingi kezdesý jańa jemisti jáne utymdy seriktestiktiń bastaýy bola­dy dep úmittenemin. Biz óz tájirı­be­mizben jáne bilimimizben bólisýge qýanyshtymyz». Sondaı-aq ol Qa­zaqstannyń tájirıbesin joǵary baǵalap, qabyldanyp jatqan shara­lardyń údemeli úrdisin atap ótti.

Serbııanyń «habarshylardy qor­ǵaýdyń altyn standarty» erekshe nazar aýdarýǵa turarlyq. Bul jeke zańmen retteletin júıe, onda fı­zıkalyq qaýipsizdikti qamtamasyz etý, jumys ornyndaǵy kemsitýshilikti boldyrmaý jáne sybaılas jem­qor­lyq faktilerin úsh satyly habarlaý qamtylady.

Habarlaýshylar 10 jylǵa deıin memlekettiń qamqorlyǵynda bola oty­ryp, odan ári qýdalaýdan qoryq­paı ýá­kiletti organdarǵa, BAQ-qa já­ne qo­ǵamdyq uıymdarǵa júgine alady.

Serbııa lobbıstik qyzmetti retteý týraly zań qabyldaǵan birneshe eldiń biri ekendigin atap ótken jón. Onyń ishinde, oqytý, emtıhan tapsyrý jáne sertıfıkattaý kezeńderi rettelgen. Atalǵan zańna­ma memlekettik basqarý organda­ry­nyń ashyqtyǵyn arttyrý arqy­ly qoǵamdyq múddelerdi qorǵaı­dy, lobbısterdiń adaldyǵy men jaýap­ker­shiligin tıisti erejeler arqyly nyǵaıtady.

Sonymen qatar Sekımıch myrza memlekettik qyzmetshilerdiń múlikteri men aktıvteriniń tizilimin júrgizýge jáne partııanyń Sybaılas jemqorlyqqa qarsy agenttikke qar­jylyq esep berý mindettiligine nazar aýdardy.

Qazaqstandyq tarapty mem­le­kettik organdardyń ózin ózi taldaý men baǵalaýǵa baǵyttalǵan para­sat­tylyq josparlaryn iske asyrý tájirıbesi qyzyqtyrdy. Belgili bir organnyń nemese uıymnyń qyzmet­kerleri yqtımal «taıǵaq joldar» týraly bile otyra, tek ózderi sybaılas jemqorlyqtyń aldyn alý úshin jaýapkershilikti qabyldap, sybaılas jemqorlyq táýekelderiniń týyndaýynan qorǵaı alady.

Kezdesý sońynda taraptar tá­ji­rıbe almasýǵa daıyn ekendikterin bildirip, birqatar sybaılas jemqor­lyqqa qarsy bastamalar men jobalardy birlesip iske asyrý týraly ýaǵdalasty.