Aımaqtar • 08 Qyrkúıek, 2020

Almaty oblysynda adamdy sýdan qutqarǵan jasóspirim medalmen marapattaldy

18 ret kórsetildi

Búgin Almaty oblysynyń Talǵar aýdanynda 15 jastaǵy erjúrek kýrsant medalmen marapattaldy, dep habarlaıdy Egemen.kz QazAqparatqa silteme jasap.

 

Beısen Mıras aǵyny qatty ózenge batyp bara jatqan adamdy aman alyp qalǵany úshin QR Ishki ister mınıstriniń buıryǵymen "Sýǵa batqan adamdy qutqarǵany úshin" medalimen marapattaldy.

Saltanatty marapattaý rásimi "Arystan" mamandandyrylǵan lıseıinde ótti. Medaldi Almaty oblysy Polısııa departamenti bastyǵynyń orynbasary Oraz Joldasov tabystady.

"Esterińizge sala keteıik, bıyl Mıras pen onyń dostary Talǵar qalasynyń ortalyǵyndaǵy kópirden aǵysy qatty ózenge sekirip ketken er adamdy baıqap qalǵan. 15 jastaǵy jasóspirim ózenniń aǵys boıymen tómen jaqqa júgirip, qatty aǵystan qoryqpastan, sýǵa batqan adamdy qutqaryp qaldy", dedi Oraz Joldasov.

Jábirlenýshiniń oń aıaǵy synǵan, mıy shaıqalyp jáne basqa da zaqymdar alǵan. Biraq Mırastyń erlikke parapar áreketiniń arqasynda tiri qaldy.

"Qarapaıym ǵana, adamgershiligi joǵary jasóspirim óz qylyǵyn azamattyq boryshym dep sanaıdy. Ol óz ómirine qaýip tónip tursa da, táýekelge baryp, ózgeniń ómirin qutqaryp qaldy. Halyqtyń mundaı uldaryn tek maqtan tutýy tıis. Mırastyń ata-anasy men oqytýshylar quramyna jaqsy ári patrıottyq tárbıe bergeni jáne qajet jaǵdaıda baǵamdy sheshim qabyldaýǵa úıretkenderi úshin alǵys aıtamyz", dep atap ótti departament bastyǵynyń orynbasary.

 

Sońǵy jańalyqtar

Saqtansań – saý bolarsyń

Aımaqtar • Búgin, 23:00

Sırk - álem nazarynda

Qazaqstan • Búgin, 20:51

Qaraǵandy oblysynda kıik eti tárkilendi

Aımaqtar • Búgin, 16:48

Shekteýge túsken shekti álem

Álem • Búgin, 16:35

Uqsas jańalyqtar