Qaladaǵy jeke sektor turǵyndaryna jylytý maýsymyna aldyn ala daıyndalyp, sýyq túskenge deıin qajetti mólsherde kómir satyp alý qajettigin eskertedi.
Qalada kómir tasymaldaıtyn 7 kompanııa bar, túrli aýdandarda ornalasqan otyn satatyn 11 núkte bar. Kómirdiń ortasha baǵasy sortyna baılanysty 12 myń teńgeni quraıdy. Otynnyń baǵasy men mólsheri týraly tolyǵyraq aqparatty 109 jedel jeli nómiri arqyly bilýge bolady.
"Búgingi tańda qalada kómir satý boıynsha 11 oryn bar, onda jeti kompanııa óz qyzmetin usynady. Atalǵan ýchaskelerde kómirdiń baǵasy belgili bir marka boıynsha tirkeldi, ıaǵnı basqarma jáne osy kompanııalar baǵanyń ósýine jol bermeý úshin memorandýmdar jasady. Bizde kún saıyn 20 myń tonna kóleminde kómir qory saqtalýda. Ázirge dúrligý joq, turǵyndarǵa kómir birdeı bóliný úshin kómir satyp alýdy qazirden bastaǵan jón", – dep atap ótti qalalyq "Otyn - energetıkalyq keshen jáne kommýnaldyq sharýashylyq basqarmasynyń" otyn-energetıkalyq resýrstar bóliminiń basshysy Maqsat Esmaǵulov.
Atap aıtqanda, kómir satý núkteleri myna mekenjaılar boıynsha ornalasqan: Gersen, 4/1, 40-st.; Gersen, 6 B; Kóktal, 28/1; Jubanov, 35; Lıteınaıa, 44; Jabaev, 68; Maqat, 40.
Elordalyqtar qatty otyndy sýyq túskennen bastap satyp alady. Suranys qazan men qarasha aıynyń basynda kóp bolady. Osy kezeńde kómirge kezek paıda bolady, bul kómir tapshylyǵyna ákep soǵady, dep atap ótti basqarmada. Kómir ónimderin saqtaýǵa keletin bolsaq, qarańǵy bólmege qoıyp, ylǵal men tikeleı kún sáýlesiniń túsýine jol bermeý qajet. Sol kezde otyn óziniń qasıetterin joǵaltpaıdy.
Budan basqa, turǵyn úı alaptarynda gazben jabdyqtaý jelilerin salý boıynsha jumystar jalǵasýda. Mysaly, Jeleznodorojnyı TA gaz taratý jelileri - 100% jabdyqtalsa, О́nerkásiptik jáne Kóktal-2 – 95%, Kóktal-1 – 80% salyndy. Bul jumystar Agrogorodok, Ońtústik-Shyǵys turǵyn alabynda da júrgizilýde. Osy turǵyn alaptardaǵy úıler, onyń ishinde Agroqalashyqtaǵy úılerdiń bir bóligi bıylǵy jylytý maýsymynda gazben jylytylýy múmkin.
Úılerdi gazben jabdyqtaý jelilerine qosylyp, tegin tehnıkalyq shart alý úshin turǵyn alaptarynda front-keńseler ashyldy. Sonymen qatar, bıyl JEO-1 jáne JEO-2 qazandyqtaryn gazǵa kóshirý josparlanýda.
