Tehnologııa • 10 Qyrkúıek, 2020

17 jastaǵy stýdent bıe sútinen kosmetıka jasady

69 ret kórsetildi

Pavlodarlyq 17 jastaǵy stýdent bıe sútinen kosmetıka shyǵarýda, dep habarlaıdy Egemen.kz  pavlodarnews.kz saıtyna silteme jasap.

Daıana Mýkına – Pavlodar oblysynyń daryndy balalarǵa arnalǵan kópsalaly lıseı-ınternatyn bitirgen. Ol qazir Astana IT University oqý ornynyń birinshi kýrsynda bilim alady.

Jas kásipker kofe skraby, betke arnalǵan klınser, betke jáne denege arnalǵan gel shyǵarady. О́nimderiniń negizi – tek tabıǵı jáne paıdaly zattar. Kosmetıka teriniń barlyq túrlerine jaramdy jáne ony eresekter de, balalar da qoldana alady.

1

– Bıe sútiniń rh jáne adam terisiniń rh óte uqsas. Bul terini qurǵaq nemese maıly qylmaıdy jáne yńǵaıly orta jasaýǵa múmkindik beredi. Sondyqtan kosmetıka betinde jańa bórtpeler men pıllıngtiń paıda bolýyna jol bermeıdi. О́nim praktıkalyq gıpoallergendi. Quramynda ımmýnoglobýlın jáne amın qyshqyldary bar. Saýmalydan basqa, biz ártúrli maılardy, ıaǵnı kokos, karıt, kakao qosamyz. Olar qosymsha kútim jasaıdy, ylǵaldandyrady jáne terini nárleıdi. Al bıe súti qabyný men qyshýdy jeńildetetip, qurǵaq jáne sezimtal terige názik kútim jasaıdy, – deıdi Daıana Mýkına.

Jas kásipkerdiń aıtýynsha, pandemııaǵa baılanysty sýblımasııalanǵan bıe sútimen qamtamasyz etetin kompanııa ýaqytsha jumys istemeıdi. Sol sebepti satylym ýaqytsha toqtatyldy. Biraq ol kosmetıkaǵa qosatyn sýblımasııalanǵan bıe súti qaıtadan shyqqan kezde jumysty qaıta jandandyratynyn aıtady.

1

– Baǵalar óte qoljetimdi. Mysaly, skrab 550 teńge, betke arnalǵan klınser 500 teńge, al gel 1200 teńge turady. Bastapqyda men kosmetıkany bıýdjettik baǵamen jasaǵym keldi. Bul ıdeıam iske asty. О́ıtkeni qymbat kosmetıkany satyp alýǵa kóbiniń jaǵdaıy kele bermeıdi. Grantty jeńip alǵannan keıin kóptegen tapsyrys túse bastady. Bul salada básekelester bar. Alaıda, sýblımasııa qoldanylatyn kosmetıkanyń dál osy túrine álemde analogy joq tabıǵı kosmetıkalyq ónim bolyp tabylady, – deıdi Daıana Mýkına.

Aıta keteıik, Daıana Mýkına óz jobasyn "Eco Startup" halyqaralyq ekologııalyq startap-jobalar baıqaýynda 2019 jyly usyndy. Baıqaýdyń júlde qory 1 500 000 teńgeni qurady. Ol 750 myń teńgelik grant ıegeri atandy.

Sońǵy jańalyqtar

Almaty oblysynda sehta jarylys boldy

Qoǵam • Búgin, 15:50

ShQO-da blokbeketter qaıta qoıylady

Aımaqtar • Búgin, 14:15

Almatydaǵy JEO-2 gazǵa qalaı aýysady?

Aımaqtar • Búgin, 12:10

Qazaqstanda dollar qymbattady

Ekonomıka • Búgin, 11:37

Uqsas jańalyqtar