Amerıkanyń Forbes jýrnaly jasaǵan reıtıng boıynsha Reseı prezıdenti Vladımır Pýtın álemniń 2013 jylǵy eń yqpaldy saıasatkeri retinde birinshi orynǵa shyqty. Búgingi kúnniń naǵyz sensasııasy bolyp tabylatyn bul habardy jýrnalǵa silteme jasaǵan «Argýmenty ı fakty» aptalyǵy jarııalady.
Buǵan deıin shet eldik sarapshylar jasaǵan barlyq reıtıngiler saıası astary bar áreket retinde Reseı bıligi tarapynan udaıy synǵa ushyrap kelgen bolatyn. Olardyń qatarynda joǵary oqý oryndary men yqpaldy saıasatkerlerge qatysty reıtıngiler kóbine-kóp aýyzǵa alynatyn. Mine, osyndaı jaǵdaıda Pýtınniń ozyp shyǵýy shyn máninde eshkim kútpegen oqıǵa boldy. Al ekinshi orynǵa Qytaı lıderi Sı Szınpın ornalassa, AQSh prezıdenti Barak Obamaǵa tek úshinshi oryn ǵana buıyrypty.
Osyǵan oraı Reseı basylymy bul Obamaǵa ornyńdy bil, ketetin ýaqytyń boldy, degen ıshara emes pe eken, deıtin saýal tastaıdy.
Sáken Maılybaı.
