Polısııa pármenin arttyrýdyń bir joly áýelgi kezekte olardy tehnıkamen, qajetti qural- jabdyqtarmen qamtamasyz etý. Sosyn memleket tarapynan bólingen qarajattyń óteýi retinde olardyń elge adal qyzmet etýin talap etý bolady.
Polısııa pármenin arttyrýdyń bir joly áýelgi kezekte olardy tehnıkamen, qajetti qural- jabdyqtarmen qamtamasyz etý. Sosyn memleket tarapynan bólingen qarajattyń óteýi retinde olardyń elge adal qyzmet etýin talap etý bolady.
Sondyqtan Almaty oblysynyń ákimi Ańsar Musahanov jetisýlyq polıseılerge zaman talabyna saı temir tulparlar kiltin tabystap turyp: «Elbasy quqyq qorǵaý organdaryn qarjylandyrý, olardyń materıaldyq-tehnıkalyq bazasyn nyǵaıtý máselesine erekshe kóńil bólip, naqty tapsyrmalar bergen bolatyn. Osy mindetti der kezinde júzege asyrý úshin oblystyq bıýdjetten 4 mlrd.teńgege jýyq qarajat bólindi. Sonyń ishinde qyzmettik avtokólikpen qamtýǵa 1,8 mlrd. teńge jumsaldy. Qalyptasqan dástúrge sáıkes, polıseılerge qajetti quraldarmen jabdyqtalǵan 87 avtokóliktiń kiltin tapsyramyz. Temir tulparlar polıseılerge qoǵam tynyshtyǵyn saqtaý isinde kómekshi bolyp, qylmysqa qarsy kúresti burynǵydan da kúsheıtip, oblys turǵyndarynyń tynyshtyǵyn qamtamasyz etý mindetin abyroımen atqarady dep senemin», dedi.
Qoryta aıtqanda, bul kúni SsangYongKyron, ÝAZ-Patrıot jáne ZAZ-Shans markaly avtokólikter kiltin alyp, qyzmetkerleriniń atynan oblystyń bas polıseıi qoǵamdyq tártip pen azamattardyń qaýipsizdigin qamtamasyz etýge senim bildirdi.
Nurbol ÁLDIBAEV,
«Egemen Qazaqstan».
Almaty oblysy.
