Sport • 12 Qyrkúıek, 2020

QHL: "Barys" reseılik "Dınamodan" jeńilip qaldy

13 ret kórsetildi

"Barys" búgin qurlyqtyq hokkeı lıgasyndaǵy kezekti oıynyn elordada Reseıdiń "Dınamo" (Máskeý) komandasyna qarsy ótkizdi, dep habarlaıdy Egemen.kz QazAqparatqa silteme jasap.

Eki komanda búginge deıin 25 márte kezdesti. Onyń 10-y «Barystyń» basymdyǵymen aıaqtaldy. Qalǵanynda reseılik klýbtyń mereıi ústem boldy. Byltyrǵy maýsymda komandalar eki márte sheberlik baıqasty. Onda ekeýinde de reseılik klýb jeńiske jetken bolatyn.

Aıta keterligi, sońǵy úsh kezdesýde qazaqstandyq hokkeıshiler búgingi qarsylasyna ese jiberip qoıǵan. Búgingi kezdesýde aıdyn ıeleri oıyn tizginin qolyna aldy.

Nátıjesinde elordalyq hokkeıshi Darren Dıs 2-mınýtta "Barysty" alǵa shyǵardy. Al 5-mınýtta "Dınamo" hokkeıshisi Dmıtrıı Iаshkın tarazy basyn teńestirdi.

Oıynnyń 9-mınýtynda "Barys" taǵy alǵa shyqty. Goldyń avtory - Kıortıs Valk. Ekinshi kezeńde reseılik hokkeıshiler gol soǵatyn múmkindikti izdedi. Olar 28-mınýtta óz degenine jetti.

Ony Teemý Pýlkkınen óziniń enshisine jazdy. Budan keıin «Barys» taǵy eki shaıba soǵyp ketti. Oıynnyń 31-mınýtta Lınýs Vıdell mergendik tanytsa, 37-mınýtta Darren Dıs kezdesýdegi ekinshi goldyń avtory atandy. Úshinshi kezeńde «Dınamo» eki shaıba soǵyp ketti.

Vadım Shıpachıov 51, 59-mınýttarda mergendik tanytty. Oıyn overtaımǵa ulasty. Onda «Dınamo» jeńis shaıbasyn soǵyp, bıylǵy maýsymdaǵy alǵashqy jeńisine qol jetkizdi.

Osylaısha "Barys" qarsylasynan 4:5 esebimen súrindi. "Barys" bıylǵy maýsymda tórt oıyn ótkizdi. Aldymen Latvııada "Dınamo" (Rıga) klýbyn 3:2 esebimen tize búktirdi.

Odan keıin Belarýsta "Dınamo" (Mınsk) komandasyna overtaımda 4:5 esebimen jeńildi. Úshinshi kezdesýinde Reseıde SSKA (Máskeý) klýbyna 1:3 esebimen ese jiberip, elordada Qytaıdyń "Kýnlýn Red Star" komandasynan 3:2 esebimen basym tústi. Endi "Barys" elordada 14 qyrkúıekte Reseıdiń SSKA (Máskeý), 18 qyrkúıekte Latvııanyń "Dınamo" (Rıga) klýbtarymen oınaıdy.

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar