Keshe Prezıdent janyndaǵy Ortalyq Kommýnıkasııalar qyzmetinde dástúrli brıfıng ótti. Basqosýdyń bul jolǵy qonaqtary Aýyl sharýashylyǵy vıse-mınıstri Músilim О́mirııaev pen «QazAgro» UBH» AQ tóraǵasy Dýlat Aıtjanov boldy.
Aýyl sharýashylyǵy vıse-mınıstri M.О́mirııaev ústimizdegi jyldyń 11 qazanynda ótken Úkimettiń keńeıtilgen otyrysynda Memleket basshysynyń syn eskertýleri men tapsyrmalaryna sáıkes mınıstrlik qyzmetiniń baǵyttary jaıly, atap aıtqanda:
Keshe Prezıdent janyndaǵy Ortalyq Kommýnıkasııalar qyzmetinde dástúrli brıfıng ótti. Basqosýdyń bul jolǵy qonaqtary Aýyl sharýashylyǵy vıse-mınıstri Músilim О́mirııaev pen «QazAgro» UBH» AQ tóraǵasy Dýlat Aıtjanov boldy.
Aýyl sharýashylyǵy vıse-mınıstri M.О́mirııaev ústimizdegi jyldyń 11 qazanynda ótken Úkimettiń keńeıtilgen otyrysynda Memleket basshysynyń syn eskertýleri men tapsyrmalaryna sáıkes mınıstrlik qyzmetiniń baǵyttary jaıly, atap aıtqanda: turaqtandyrý qorlary, ettiń eksporty, aýyl sharýashylyǵy shıkizatyn qaıta óńdeýshi kásiporyndardyń óndiristik qýattylyǵyn júkteý, sondaı-aq, memlekettik sýbsıdııalar týraly aıtty.
Turaqtandyrý qorlaryn qalyptastyrý kezinde keıbir óńirlerde Úkimet qaýlysymen bekitilgen áleýmettik mańyzy bar azyq-túlik tizimine engizilmegen ónimder satyp alynǵan. Olarǵa Almaty jáne Astana qalalary, Jambyl oblysy jatady. Oǵan qosa ýaqytyly satyp alynbaýy esebinen ónimder uzaq ýaqyt saqtalyp, olardyń baǵasynyń qymbattaýy baıqalǵan. Sondaı-aq, bólingen qarajattyń bir bóligin ekinshi deńgeıli bankterge depozıtke salyp qoıý jaǵdaılary da bar. Turaqtandyrý qorlaryn qalyptastyrý men paıdalaný erejelerinde ýaqytsha paıdalanylmaǵan qarajatty, azyq-túlikti saqtaý, tasymaldaý jáne basqa ákimshilik shyǵyndardy óteý úshin depozıtke ornalastyrý múmkindigi kózdelgen.
Bul rette turaqtandyrý qorlary qyzmetin taldaý oń nátıjelerdi kórsetýde: oblystardyń kóbinde 2011-2012 jyldary burynǵy jyldarmen salystyrǵanda áleýmettik mańyzy bar azyq-túlik ónimderiniń baǵasy tómen bolǵan. Muny eskere kele qazirgi kezde azyq-túlik ónimderiniń turaqtandyrý qorlaryn qalyptastyrý men paıdalaný tártibin jetildirý josparlanǵan.
Otandyq et óniminiń kólemin ulǵaıtý jáne ózindik qunyn tómendetý maqsatynda qazirgi ýaqytta iri qara etiniń eksporttyq áleýetin damytý baǵdarlamasy júzege asýda. Baǵdarlama bordaqylaý alańdaryn qajetti bordaqylaý kontıngentimen qamtamasyz etý úshin taýarlyq tabyndy qalyptastyrýǵa baǵyttalǵan.
2012 jyldan bastap seleksııalyq jáne tuqymdyq jumystardy júrgizýge analyq mal basyn sýbsıdııalaý mehanızmi engizilgen.
«Agrobıznes-2020» baǵdarlamasynda qarjynyń qoljetimdiligin arttyrý, jańa tehnıka men jabdyqtardy satyp alýǵa ınvestısııalyq sýbsıdııalar berý, zaımdardy kepildendirý joldarymen ónimniń ózindik qunyn azaıtý sharalary kózdelgen. Mal sharýashylyǵyn damytýǵa respýblıkalyq bıýdjetten bólingen qarajat kólemi 2014 jyldan bastap 35 paıyzǵa kóbeıtilmek.
Qaıta óńdeý salasyn damytý aıasynda sheber-jospar ázirlengen. Onyń maqsaty qaıta óńdeý kásiporyndaryn modernızasııalaý men qaıta qurý, sút pen etti daıyndaý oryndaryn qurýǵa baǵyttalǵan. Munyń nátıjesi qaıta óńdeý kásiporyndarynyń qýattylyǵyn júkteýge, tıisinshe, azyq-túlik ónimderiniń óndirisin arttyrýǵa múmkindik beredi.
«Osy jyldyń sońyna deıin biz 68 ınvestısııalyq jobany iske qosýdy kózdeımiz. Atalǵan jobalardyń ishinde sút fermalary, mal bordaqylaý alańdary, jylyjaılar, tamshylatyp sýarý tehnologııasy, qus fabrıkalary jáne ózge de kásiporyndar bar. Qazirgi kezde biz 27 jobany iske qostyq. Olardyń ishinde mal sharýashylyǵyna arnalǵan 11 joba bar. Aldaǵy eki aıda onyń barlyǵyna mal jetkizilýi tıis. Al qalǵan 30 joba aıaqtalýǵa jaqyn. Qazir tıisti qujattar jınaqtalǵan soń, olardy da paıdalanýǵa beretin bolamyz», – deıdi «QazAgro» UBH» AQ tóraǵasy Dýlat Aıtjanov.
Ábdirahman QYDYRBEK,
«Egemen Qazaqstan».
