Arys qalasynyń turǵyny Balnur Tórehan qysqa merzimdi kásiptik oqý oqyp, tiginshi mamandyǵyn ıgergen. Keıin qaıtarymsyz 505 myń teńge memlekettik grant jeńip alyp, úı ishinen kishigirim tigin sehyn ashty. Arnaıy tigin mashınasyn satyp alǵan ol suranysqa oraı, kúnine 10 dana áıelderge arnalǵan túrli oramaldar tigedi.
О́ziniń aıtýynsha, shyǵynyn eseptemegende aıyna 300 myń teńge taza tabys taýyp otyr. Onyń kásibin júrgizgenine 1 jylǵa jýyqtaǵan. Qazirgi tańda úıde otyryp ǵalamtor arqyly óz buıymdaryn saýdaǵa shyǵarýda.
Arysta atalǵan baǵdarlamany tıimdi paıdalanyp, óz kásibin damytyp jatqan azamattar qatary artyp keledi. Qazirdiń ózinde bıylǵy jylǵa bólingen 139 granttyń 80-i ıgerilgen.
Aıta keteıik, qaıtarymsyz qarajat alyp kásip ashqysy keletin azamattar jumyspen qamtý ortalyǵyna baryp tolyq aqparat alýyna bolady. Bir aı boıy bilim alyp, bıznes jospary maquldansa, memleketten bólingen kómekke ıe bola alady.
