"Qazirgi tańda qala kóshelerine saraptama júrgizý nátıjesinde, jolaýshylardyń qolaılylyǵy úshin Qonaev dańǵyly men Rysqulov kósheleriniń qıylysyna zamanaýı jol aıryǵyn salý qajettiligin baıqap otyrmyz. Kúndelikti keptelisterden turǵyndardan shaǵymdar, narazylyqtar baıqap jatyrmyz. Sony eskere otyryp, qazan aıynan bastap jol aıryqtyń jumysyna kirisemiz. Joba kelesi jyly tolyq aıaqtalýy qajet", deıdi ol.
Sonymen qatar, bıyl qaladaǵy 259 nysan 416 shaqyrym jol qurylysyn júrgizý josparlanǵan bolatyn. Qazirgi tańda 160 kóshede, 203 shaqyrym jol jóndeý jumysy aıaqtaldy. Endigi jerde 99 kóshe, 213 shaqyrym jóndeý jumystary qalǵanyn aıtty.
Qyrkúıektiń sońyna deıin birneshe jol qurylys jumystary men jol ótkelderin retke keltirý, aıaldama men baǵdarsham ornatý, kósheni tańbalaý jumystary aıaqtalady.
Al Qonaev kóshesiniń Túrkistan kóshesinen aryqaraıǵy jalǵasy da salynyp, 1 kezeńi jeltoqsan aıynda tolyq aıaqtalady.
Sondaı-aq, Maqsut Isahov aıaldamalardyń ornatylý barysyn, velojolaqtardyń salynýy men velostansııalardyń ornalasýy men paıdalanylýyn, qalaǵa kire beris Shymkent-Tashkent ótkelindegi jóndeý jumystarynyń barysyn tanystyrdy.
