Elorda • 13 Qyrkúıek, 2020

Elorda ákimi kópir astyndaǵy art-alańdar kóbeıetinin aıtty

23 ret kórsetildi

Qala turǵyndary úshin 8 myń sharshy metr demalys orny retinde qaıta jasaldy, - dep habarlaıdy Egemen.kz. Bul týraly Nur-Sultan qalasynyń ákimi Altaı Kólginov Instagram jelisindegi paraqshasynda jazdy.

Kópir asty (Saraıshyq dańǵyly) 5 aýmaqqa bólindi: basketbol alańy, balalarǵa arnalǵan, work-out, sahnamen bıshilerge arnalǵan alań, ıogamen aınalysý alańy t.b. Sondaı-aq tamaqtanatyn oryn qoıyldy.

Qabyrǵalaryna balalardyń túrli sportpen aınalysýyna túrtki bolýy úshin tanymal sportshylardyń mýraly beınelendi.

Budan bólek, bul jerdiń aınalasyndaǵy aýmaq abattandyrylady. Qala turǵyndary teplohodpen serýendeýi úshin pırs qoıyldy. Átkenshek ornatylyp, úlken fýtbol alańy salyndy. Endi betonnan skeıt-park salý josparlanyp otyr.

Aldaǵy ýaqytta bul jerde jasyl burysh, kópfýnksıonaldy amfıteatr paıda bolady.

Qazirgi ýaqytta L.N.Gýmılev atyndaǵy EUÝ mańyndaǵy kópir astynda qurylys jumystary júrgizilýde. Bul jerde taǵy bir kópirasty keńistik bolady. Bıyl barlyǵy 150 aýla men 50-den asa qoǵamdyq keńistik abattandyrylady (saıabaqtar, gúlbaqtary, jelekjoldar). Jumystyń kóp bóligi aıaqtaldy. Kelesi jyldyń tizimi jasalýda.

Memleket basshylyǵy buqaralyq sportty damytýǵa jaǵdaı jasaýǵa erekshe kóńil bólýde. Karantın bizge ımmýnıtetimizdi nyǵaıtý kerektigin, sportpen shuǵyldanyp, taza aýada kóp júrý kerektigin kórsetti.

Sońǵy jańalyqtar

Dollardyń búgingi baǵamy belgili boldy

Ekonomıka • Búgin, 15:54

Atyraýda 9 balany ıt talady

Aımaqtar • Keshe

Taraz qalasynda gaz qubyry jaryldy

Aımaqtar • 23 Qazan, 2020

Syrda kúrishten rekordtyq ónim jınaldy

Aımaqtar • 23 Qazan, 2020

Uqsas jańalyqtar