Qoǵam • 14 Qyrkúıek, 2020

Memlekettik qyzmetke mán beretin kez keldi

11 ret kórsetildi

Memlekettik qyzmet kórsetý salasynda 100 myńnan astam buzýshylyq anyqtalyp otyr. Bul týraly ótken aptada Memlekettik qyzmet isteri agenttiginde kórsetiletin mem­le­­kettik qyzmetter sapasynyń mańyzdy má­se­lelerine arnalǵan beınekonferensııada baıan­daldy.

Oǵan atalǵan Agenttik tóraǵasynyń orynbasary Darhan Jazyqbaev, ortalyq memlekettik jáne jergilikti atqarýshy organdardyń, qoǵamdyq jáne úkimettik emes uıymdardyń, «Ulttyq aqparattyq tehnologııalar» AQ, «Azamattarǵa arnalǵan úkimet» Memlekettik korporasııasy KeAQ ókilderi qatysty.

Jıyn barysynda buzýshylyqtardy anyqtaý jáne aldyn alý, ákimshilik kedergiler, karantın kezinde memlekettik qyzmet kórsetý boıynsha jumystyń nashar uıymdastyrylýy, zańsyz deldaldyq qyzmet kórsetý, aqparattyq júıelerdegi tehnıkalyq olqylyqtar, «elektrondy úkimet» portalyndaǵy qoljetimsiz qyzmetter boıynsha ortalyq memlekettik jáne jergilikti atqarýshy organdardyń tıimsiz jumysy nazarǵa alyndy.

Búginde qyzmettiń 87,6%-y (694 qyzmettiń 608 túri) elektrondy túrde kórsetilýi tıis. Alaı­da Agent­tik 68 qyzmettiń halyqqa qolje­timsizdigin anyq­tady. Máselen, Bilim jáne ǵylym mınıstrli­gin­de – 13, Qarjy mınıstrliginde – 13, Eńbek jáne halyqty áleýmettik qorǵaý mınıstrliginde – 11, Aýyl sharýashylyǵy mınıstrliginde – 8, Ekologııa, geologııa jáne tabıǵı resýrstar mınıstrliginde – 5, Qorǵanys mınıstrliginde – 4, Ishki ister mınıstrliginde – 4, Ádilet mınıstrliginde – 2, Densaýlyq saqtaý mınıstrliginde – 2, Ulttyq ekonomıka mınıstrliginde – 2, Indýstrııa jáne ınfraqurylymdyq damý mınıstrliginde – 1, Mádenıet jáne sport mınıstrliginde – 1, Energetıka mınıstrliginde  1 qyzmet qoljetimsiz bolypty.

Memlekettik organdardyń qysqa merzimde elektrondy qyzmetterin portalda, onyń ishinde «Tyń­daý» jobasy aıasynda túsken qyzmetterdiń qol­je­timdiligin qamtamasyz etý týraly D.Jazyqbaev atap ótti.

Agenttiktiń Memlekettik kórsetiletin qyzmetter departamentiniń dırektory Ildar Úısimbaev óz sózinde ortalyq memlekettik jáne jergilikti atqarýshy organdar memlekettik qyzmetter sala­syndaǵy buzýshylyqtardyń paıda bolý sebepteri men jaǵdaılaryn joıý boıynsha júrgizilgen jumysy óz deńgeıinde bolmaǵanyn jetkizdi. Nátıjesinde, ótken jyldyń osy kezeńimen salystyrǵanda bıyl jyl basynan bastap qyzmet kórsetýshiler jibergen buzýshylyqtar sany 35% artyp otyr (2020 jyl – 103 myń, 2019 jyl – 65 myń).

Sondaı-aq memlekettik organdardyń memleket­tik qyzmetterdi kórsetý kezinde qaǵazbastylyq pen ákimshilik kedergiler jasaýy, jergilikti jerdegi memlekettik qyzmetshiler qashyqtyqtan jumys jasaý rejimine tolyqqandy kóshýdi qamtamasyz etpegendigi týraly faktiler anyqtaldy. Osy­ǵan baılanysty, memlekettik qyzmetterdi kórsetý mer­zimderi buzylyp otyr. Memlekettik qyzmetterdi kórsetý tártibin retteıtin biryńǵaı normatıvtik quqyqtyq aktilerdi ýaqtyly qabyldaý men kúshin joıý oryn aldy.

D.Jazyqbaev Memleket basshysynyń Jol­daýynda halyqtyń elektrondy servıstermen is-qımylyn jeńildetý úshin bıometrııany memlekettik qyzmetter deńgeıinde jáne jeke bızneste keńinen qoldaný qajet ekendigin atap ótti. «Elektrondy qyzmetterge degen suranystyń kúnnen-kúnge kó­beıip jatqanyn eskere otyryp, ýákiletti organ ESQ-ny qashyqtyqtan alýdy smartfondar arqyly júzege asyrýdy pysyqtaý qajet dep paıymdaı­myz. Sondaı-aq suranysqa ıe qyzmetterdi «elektron­dy úkimet» portalynyń mobıldi qosymshasy arqyly kórsetýdi qarastyrý qajet. Memlekettik qyzmetter salasyn sıfrlandyrýǵa anyqtamalardy jáne qyzmetterdi qaǵaz túrindegi balamasyn joıý da óz septigin tıgizedi», dedi D.Jazyqbaev.

Jıyn sońynda ortalyq memlekettik jáne jergilikti atqarýshy organdarǵa, «UAT» AQ, Mem­lekettik korporasııaǵa anyqtalǵan buzýshy­lyqtardy joıý, memlekettik qyzmetterdi kórsetý sapasyn arttyrý boıynsha jumystardy kósheıtý, sondaı-aq halyqpen keri baılanys jasaý jáne áleýmettik jelilerde olarǵa jedel áreket etý boıynsha naqty usynymdar berildi.

 

 

Sońǵy jańalyqtar

Ult tarıhyndaǵy uly tulǵa

Pikir • Búgin, 07:18

Qazaqqa qandaı qasıetter qajet?

Abaı • Búgin, 07:15

Aýyl damymaı, memleket damymaıdy

Parlament • Búgin, 07:13

Huawei óndirisi kedergige ushyrady

Álem • Búgin, 07:09

Nıgerııa kóshelerindegi sherý

Álem • Búgin, 07:05

Jol apaty nege kóp?

Qoǵam • Búgin, 07:01

Qatygez bala qaıdan shyǵady?

Qoǵam • Búgin, 06:58

Qashaǵannyń gazyn tutynatyn kez keldi

Ekonomıka • Búgin, 06:56

Kollektorlyq qyzmet kerek pe?

Qarjy • Búgin, 06:53

Joshy ulysy

Tanym • Búgin, 06:43

Ádil tórelik, tıimdi sot júıesi qajet

Prezıdent • Búgin, 06:40

Oısylqara áýlıe kesheni qorǵaýǵa alyndy

Rýhanııat • 24 Qazan, 2020

Atyraýda 9 balany ıt talady

Aımaqtar • 24 Qazan, 2020

Nur-Sultanda jańa saıabaq ashyldy

Qoǵam • 24 Qazan, 2020

Atyraýda 8 adamnan koronavırýs anyqtaldy

Aımaqtar • 24 Qazan, 2020

Taraz qalasynda gaz qubyry jaryldy

Aımaqtar • 23 Qazan, 2020

Uqsas jańalyqtar