Nur-Sultan qalasynyń bilim basqarmasy men О́KM Operatorynyń bastamasymen qolǵa alynǵan joba Nur-Sultan qalasynyń bilimdi jańǵyrtý ortalyǵy, «Clean city NC» qoqys shyǵarýshy kompanııasy men «Jas ulan» RQB eriktileri tarapynan qoldaý tapty.
Bir aı ishinde bastaýysh synyp oqýshylaryna qatty turmystyq qaldyqtardy bólek jınaý taqyrybynda ekologııalyq sabaqtar uıymdastyrylady. Oqytý úrdisi oıyn túrinde jáne onlaın-formatta ótkiziledi. Ony ekologııalyq qozǵalys kóshbasshylary júrgizedi.
Eko-sabaqtarda balalarǵa ekologııalyq mádenıettiń negizderi, óńdeýge jaramdy qaldyqtardy úıden suryptaý, qorshaǵan ortany lastamaýǵa úıretedi. Synypta qaldyqty qaıta óńdeýdi kórsetetin bes mınýttyq oıyn túrindegi sabaqtar men anımasııalyq rolıkter kórsetildi. Búgingi tańda eko-sabaqqa 1-4 synyp aralyǵynda 1500-ge jýyq oqýshy qatysty.
Sonymen qatar ekologııalyq marafon aıasynda elordalyq pedagogterge arnalǵan eko-belsendiler trenıngteri bastalady. Mentorlardyń mindeti – muǵalimderge ekologııa jáne qoqysty bólek jınaý týraly sapaly kontent berý. Joba aıasynda «EkoAsar» tájirıbelik blok-aksııasy qarastyrylǵan. Elorda mektepteri makýlatýra, plastık bótelkeler men alıýmınıı bankalardy qaıta óńdeýge jınaýdy jarııalaıdy. Qaıta óńdeýge jaramdy shıkizattan túsken qarajat az qamtylǵan otbasylardyń balalaryna noýtbýk satyp alýǵa jumsalady. Qaıyrymdylyq sharasy 11 qyrkúıek pen 11 qazan aralyǵynda ótkiziledi.
О́KM Operatory ekologııalyq bilim deńgeıin arttyrýǵa kóp kóńil bóledi. Bul jumysta kompanııa halyqaralyq jáne qoǵamdyq uıymdarmen yntymaqtastyq ornatqan. О́KM Operatorynyń qoldaýymen «Meniń eko-mektebim» bilim berý jobasy, «Qaıta óńdeýge» aksııasy, «Erlik sandyǵy» qaıyrymdylyq jobasy iske qosyldy. «Ýtıl ot A do Iа» jobasy aıasynda qaldyq óńdeıtin kásiporyndarǵa ekskýrsııalar uıymdastyryldy. Qashyqtan oqytý kezeńinde operatordyń qoldaýymen 28 vebınar ótti. Oǵan 4 500-den astam adam (pedagogter, balalar jáne ata-analar) qatysty. Sondaı-aq «Eko-trak» jobasynda plastıkalyq qaldyqtardy óńdeý boıynsha mobıldi zaýytty iske qosý jáne ıntegrasııalanǵan eko-sabaqtar úshin modýl ázirleý qarjylandyryldy.
