Korporatıvtik basqarý qoǵam úshin mańyzdy

Ekonomıka salasynda óz deńgeıinde aıtylmaı júrgen máselelerdiń biri – korporatıvtik basqarý. Q.Toqaev atap ótkendeı, elimizde ondaǵan ulttyq hol­dıng, memleketke tıe­sili myńdaǵan kásiporyn, kvazımemlekettik uıym  jumys isteıdi. Alaıda olar­dyń ju­mys nátıjesi men sapasy tý­raly máse­le bar jáne bir-eki­sinde ǵana korporatıvtik basqarý júıesi óz deń­geıinde. Bul qalǵan uıym­dar­da kor­poratıvtik basqarý júıesin damytý kerektigin kórsetedi. Onyń ekonomıkadaǵy orny mańyzdy, sebebi halyqaralyq tıisti deńgeıdegi korporatıvtik basqarý júıesiniń bolmaýynan kásiporyndar men uıymdar qor bırjasy arqyly qarjy tarta almaıdy.

Memleket úshin mańyzdy másele­ler­diń biri – qarjy saýattylyǵynyń deńgeıi. Muny Memleket basshysy Joldaýda atap ótti. Halyqtyń qarjy saýattylyǵyn arttyrý baǵdarlamasyn odan ári jetildirý, ony keńinen oqytý sharalary júzege asyrylýy kerek. Ulttyq bank, Qor bırjasy, Qarjy naryǵyn retteý jáne damytý agent­tigi búginde bul jumystardy atqaryp jatyr, alaıda oblystarda, aımaq­tarda qarjy saýattylyǵy máselesi áli de tómen. Sol sebepten ha­lyq­tyń keıbir bóligi túrli jaýapker­shiligi joq mıkroqarjy, lombard­tarǵa aldanyp, san soǵyp qalady. Bul sa­lany kóleńkeden shyǵarý – úlken is.

Sońǵy jyldary monopolııaǵa qar­sy jumys kórinbeı ketti, bul Ulttyq ekonomıka mınıstrliginiń qura­myn­daǵy bir komıtet bolyp jumys atqa­ryp jatyr. Sondyqtan quzyry men ýákilettiligi keıbir máselelerdi sheshýge jetpeı jatady. Q.Toqaevtyń monopolııaǵa qarsy agenttikti qaıta qurý kerektigi týraly bastamasy jáne ony tikeleı Prezıdenttiń ózi­ne baǵynyshty etýi – quptarlyq bas­tama. Bul rette, Prezıdenttiń kvazı­mem­lekettik sektordy qysqartý, mem­lekettik qyzmetkerler sanyn bıyl 10%-ǵa, al kelesi jyly 15%-ǵa qys­qar­tý jónindegi usynysy da oryndy. Osy úderisterden únemdelgen qarjy mem­lekettik qyzmetkerlerdiń jumys sapasyn arttyrýǵa baǵyttalýy tıis. 

Prezıdenttiń aýylsharýashylyq, qarjy-ekonomıkalyq sektordaǵy máselelerdi, óndiris salasyndaǵy problemalardy jáne basqa da máse­lelerdi taldap, qandaı jetis­peý­shilikter bar ekenin, ony túzetý úshin qandaı qadamdar jasalý kerek ekenin usynýy, tapsyrmalar berýi Joldaýǵa tııanaqty daıyndalǵanyn kórsetip otyr.

Ǵadilbek ÁKIM,

áleýmettanýshy

ALMATY