Tehnologııa • 16 Qyrkúıek, 2020

Apple qandaǵy ottegini esepteıtin saǵat shyǵardy

43 ret kórsetildi

Osy kúzde Apple  jankúıerleri qýanyshty jańalyq kútken. Kompanııa paıdalanýshylaryna jańa, 12-inshi IPhone tanystyrylymyn jasaýǵa ýáde etken edi. Dese de gadjet óndirýshileri jańa "almafondy" tanystyrýǵa asyqpaıtyn syńaıly. Ipad-tyń segizinshi tolqyny men Apple Watch smart saǵattarynyń jańa shyǵarylymyn jurtshylyqqa tanystyrǵan kompanııa IPhone 12  qashan shyǵatynyn jasyryp otyr, dep habarlaıdy Egemen.kz

Jańa iPad 8  tusaýkeseri osymen ekinshi ret kompanııanyń dástúrli májilis zalynda, qonaqtardyń qatysýynsyz ótti. Kórermender tanystyrylymdy onlaın formatta, saıt arqyly tamashalaýǵa múmkindik aldy.

9,7 dıýımdik IPS ekrany bar, juqa jaqtaýlary men Home túımesi bar planshet kópshiliktiń kóńilinen shyǵyp otyr. Qurylǵy  bul joly iPhone Xs jáne iPad Pro 2018-de ornatylǵan Apple A12 prosessorymen erekshelengen.

Sondaı-aq, Apple dıspleıi joq iPad Air jańa býynyn da shyǵardy. Bul jolǵy 11 dıýımdik qurylǵy iPad Pro-ǵa arzan balama retinde ornalastyrylǵan. Planshet bes tústi: qara, aq, altyn, kók jáne jasyl bolady. Jańa iPad kompanııanyń saıtynda  seısenbiden bastap qoljetimdi. Al satylymǵa 18 qyrkúıekte shyǵady.

Apple-dyń taǵy bir jańalyǵy -  Watch Series 6. Smart saǵattyń artyqshylyǵy mol. Burynǵydan 20 paıyzǵa qýatty qurylǵy qandaǵy otteginiń deńgeıin jáne uıqynyń uzaqtyǵyn baqylap otyrady. Sondaı-aq, "aqyldy" saǵat qoldy sapaly jýý úshin qansha sekýnd kerek ekenin de eseptep beredi. Apple Watch Series 6-ny qaltasy kótermeıtin paıdalanýshylaryn da umytpaǵan. Olar úshin Apple Watch SE serııasyn usyndy.

Sońǵy jańalyqtar

«Výelta» velojarysy bastaldy

Sport • Búgin, 06:23

Jetisý qys maýsymyna daıyn ba?

Aımaqtar • Búgin, 06:13

Qazir kómir arzan satylyp jatyr

Aımaqtar • Búgin, 06:11

Qaraly qazan

Fýtbol • Búgin, 06:00

Tarazdan kelgen ury ustaldy

Aımaqtar • Keshe

Uqsas jańalyqtar